काठमाडौं- बिमा समितिले लकडाउन अवधिभरका लागि मोटर बिमाको प्रिमियम रकममा दुई तिहाइ छुट दिन बिमा कम्पनीहरुलाई निर्देशन जारी गरेको छ। समितिले सवारी साधनको कुल बार्षिक बिमा शुल्कको एक तिहाई रकम थन्किएको अवस्थाको जोखिमको लागि कडा गरी बाँकी दुई तिहाई (२/३) मा समानुपातिक रकम छुट दिने व्यवस्था गर्न निर्देशनको हो।
कुल प्रिमियम हिसाब गर्दा तेस्रो पक्ष यात्रु कर्मचारीको बिमालगायत जोखिम समूह समेतको हिसाब गर्नुपर्ने हुन्छ। यसरी छुट भएको प्रिमियम रकम अर्को वर्षका लागि नवीकरण गर्दा समायोजन हुने समितिले जानकारी दिएको छ।
विश्वव्यापी महामारीको रुपमा फैलिरहेको कोरोना भाइरस (कोभिड १९) का कारण नेपाल सरकारले मिति २०७१ चैत्र ११ गतेदेखि लकडाउन घोषणा गरिएको अवस्थामा अधिकांश सवारी साधन पूर्ण रूपमा थन्किएको र केही सवारी साधनहरु आंशिक तथा अति न्यून रुपमा मात्र चलेको अवस्थामा बिमा जोखिम पनि न्यून हुन गएको व्यहोरा दृष्टिगत गरी बिमितहरुलाई प्रिमियममा केही राहतको व्यवस्था गर्न उपयुक्त हुने देखिएकाले यस्तो निर्देशन जारी गर्नु परेको समितिले जनाएको छ।
उक्त आवश्यकता समेतलाई मध्यनजर गरी लकडाउन अवधिभरको लागि हाल प्रचलनमा रहेको 'मोटर बिमा दरसम्बन्धी निर्देशिका, २०७३' को परिच्छेद -७ को दफा ७.९ लाई संसोधन गरी नयाँ निर्देशिका जारी गरिएको छ।
सवारी साधन प्रयोगमा नरहेको सूचना सम्बन्धमा नेपाल सरकारले लकडाउन घोषणा गरेको मिति २०७१ चैत्र ११ गतेलाई लिमेरसमयावधि नेपाल सरकारबाट लकडाउन हटाएको समयसम्म कायम गर्नु पर्नेछ। अत्यावश्यक सेवाका सवारी साधनहरुको हकमा नेपाल सरकारले सूचना जारी गरी सवारी साधन सञ्चालन गर्न अनुमति दिएको अवधिसम्मको लागि थन्किएको अवधि गणना गर्न पाइनेछ।
थन्किएको अवधि गणना गर्दा २०७६ चैत्र ११ गतेदेखि लकडाउन अवधि समान नभएसम्मको अवधि गणना गर्न पाइनेछ। चालु बिमा अवधिमा दाबी परिसकेको सवारी साधनको हकमा थन्किएको अवधिको गणना गर्न पाइने छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
