काठमाडौं- सरकारले विदेशमा अफ्ठेरो अवस्थामा रहेका नेपालीलाई स्वदेश फर्काउने तयारी थालेको छ। यसका लागि आवश्यक मोडालिटी तयार गर्ने जिम्मेवारी परराष्ट्र मन्त्रालयलाई दिइएको छ।
परराष्ट्रमन्त्री प्रदीपकुमार ज्ञवालीले विदेशबाट फर्काइने नेपालीलाई सुरक्षित हिसाबले क्वारेन्टाइनमा राख्ने मोडालिटी तयार गरी मन्त्रिपरिषदमा पेश गर्नेछन्।
अप्ठ्यारो परिस्थितको विभाजन गरी उनीहरुलाई नेपाल भित्र्याउने तयारी सरकारको छ। नेपाल ल्याएपछि राख्ने स्थानको पहिचान गरी कसरी सुरक्षित हिसाबले राख्ने भन्ने मोडालिटी परराष्ट्र मन्त्रालयले तयार गर्नेछ।
मन्त्रिपरिषदले मोडालिटी स्वीकृत गरेपछि विदेशमा रहेका नेपालीहरुलाई स्वदेश फर्काउने काम सुरु हुने एक मन्त्रीले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790596204.png)
-1790590624.png)
-1786602170.png)
