काठमाडौं- सोमबार गृह मन्त्रालयमा बसेको गृहमन्त्री रामबहादुर थापा बादलसहित नेपाल प्रहरी, सशस्त्र प्रहरी बल र राष्ट्रिय अनुसन्धानका प्रमुख र उपत्यकाका तीनवटै जिल्लाका सिडिओको बैठक सकिएको छ।
बैठकमा विदेशबाट नेपाल ल्याइने नागरिकको कसरी व्यवस्थापन गर्ने भन्नेबारे छलफल भएको थियो। उनीहरुको व्यवस्थापन कसरी गर्न सकिन्छ, त्यसका लागि आवश्यक ठाउँ‚ सुरक्षालगायतका विषयमा छलफल भएको गृह मन्त्रालयले जनाएको छ।
बैठकमा हालसम्मको सुरक्षा अवस्था, भावि रणनीतिका विषयमा छलफल भएको थियो। अग्रपंक्तिमा रही अहोरात्र खटिइरहेका स्वास्थ्यकर्मीहरुलाई घरबाट निकाल्ने, विभिन्न किसिमका दबाब दिने, आवागमनका क्रममा दुर्व्यवहार गर्ने, कानूनविपरीतका कार्यहरु गरी उनीहरुको मनोबल गिराउने, स्थानीय केही व्यक्तिहरुबाट स्वास्थ्य सुरक्षा सतर्कताको नाममा बाटो बन्द गर्ने, टोल प्रवेशमा निषेध गर्ने, आवागमनमा पनि बाधा पुर्याउने, घर भाडामा बसिरहेका व्यक्तिहरुलाई बिनाकारण निकाल्नेलगायतका कामहरु भएमा तुरुन्त कानून बमोजिम कारबाही गर्न गृहमन्त्री थापाले सुरक्षा निकायका प्रमुखलाई निर्देशन दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
