काठमाडौं- भारत सरकारले बन्द रंगशालामा खेल गतिविधि गर्न खुकुलो नीति लिएसँगै इन्डियन प्रिमियर लिग (आइपिएल) क्रिकेट हुने आश बढेको बताइएको छ। सरकारको निर्णयलाई क्रिकेटसम्बद्धहरुले स्वागत गरिरहेका छन्।
भारतीय क्रिकेट कन्ट्रोल बोर्ड बिसिसिआईले पनि सरकारको खेल गतिविधि बन्द रंगशालामा गर्न दिने निर्णयको स्वागत गर्दै अहिले अरु परिस्थितिको पनि विचार गर्नुपर्ने जनाएको छ।
मे ३१ सम्म लकडाउनको समय बढाउँदै आइतबार भारत सरकारले भनेको छ- ‘खेल स्थान र रंगशालाहरु खोल्न अनुमित दिइएको छ तर दर्शकहरु उपस्थित गराउने अनुमित छैन।’
तर यात्रामा भइरहेको कठिनाइकै बीच खेल गतिविधि बन्द रंगशालामा नै सञ्चालन गर्न पनि सहज नहुने बताइएको छ। बिसिसिआईका कोषाध्यक्ष अरुण धुमाल क्रिकेट गतिविधिहरु सञ्चालन गर्नका लागि देशभित्र मात्र भए पनि हवाइ यातायात खुकुलो हुनुपर्ने बताउँछन्। त्यसका लागि मे ३१ पछि कस्तो निर्णय हुनेछ भन्ने पर्खाइमा आफूहरु रहेको उनले बताएका छन्।
आइपिएल अहिले अनिश्चित समयका लागि स्थगित भएको अवस्था छ। पहिले चैत १६ गतेदेखि गर्ने भनिएको प्रतियोगिता १८ दिन पछि सार्दै बैशाख ३ गतेका लागि नयाँ मिति तोकिएको थियो। तर कोरोना जोखिम बढ्दै जाँदा अर्को सूचना नभएसम्मका लागि स्थगित गर्ने निर्णय आएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
