काठमाडौं- ६ जना कोरोना संक्रमित फेला परेपछि काठमाडौंको चन्द्रागिरि नगरपालिका चार दिनसम्म घरबाहिर हिँड्न पूर्ण प्रतिबन्ध लगाएको छ। शनिबार दिउँसो १२ बजेदेखि जेठ ७ गते बिहान ६ बजेसम्मका लागि नगरपालिका क्षेत्रमा त्यस्तो प्रतिबन्ध लगाइएको हो।
नगरप्रमुख घनश्याम गिरीले ३ जेठ दिउँसोदेखि ७ जेठ बिहानसम्म नगर क्षेत्र सिल गरिएको बताए। स्थानीयलाई घरबाहिर हिँडडुल गर्न समेत रोक लगाएको उनले बताए। ‘संक्रमित वढेकाले एक खालको स्थानीय कर्फ्यू हो’, मेयर गिरीले भने, ‘नगरक्षेत्रमा महामारी फैलिने अवस्था आएपछि यस्तो निर्णय गरिएको हो।’
अत्यावश्यक कामले हिँडडुल गर्नुपरेमा सामाजिक दूरी कायम गरी माक्स र पञ्जा लगाएर मात्र हिँड्न नगरपालिकाले सूचना जारी गरेको छ।
नगर क्षेत्र भित्रका औषधि पसलबाहेक अन्य सबै खालका पसल, सरकारी, सहकारी, प्राइभेट सबै खालका कार्यालय सञ्चालन र विकास निर्माणका काममा पनि रोक लगाइएको उनले बताए।
चन्द्रागिरि नगरपालिकाको यो निर्णयले काठमाडौँ प्रवेश गर्ने मुख्य नाका थानकोटबाट हुने आवागमन पनि प्रभावित हुने छ। मालवाहक गाडीलाई सडकमा गुड्न दिए पनि रोक्न र सामान ओसारपसार गर्न पनि रोक लगाइएको सूचनामा उल्लेख छ।
चन्द्रागिरि नगरपालिका क्षेत्रको मच्छेगाउँ, दहचोक, बलम्बु, सतुंगलमा एक –एक र दुई जना सशस्त्र प्रहरीमा कोरोना संक्रमण पुष्टि भएको छ। संक्रमित हुनेमा दुई जना सात–सात वर्षीय बालक छन्। उनीहरु सतुंगल र दहचोकका हुन्। चन्द्रागिरिका ३२ वर्षीय पुरुष र ३३ वर्षीया महिलामा पनि कोरोना संक्रमण पुष्टि भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1767001543.png)
-1767000474.png)
-1766992509.png)
-1764146706.png)
-1766928868.png)
-1766648928.png)
