काठमाडौं- आर्थिक वर्ष २०७७/७८ को नीति तथा कार्यक्रममा खेलकुद क्षेत्रलाई दिइएको प्राथमिकता हेर्दा खेलकुदलाई कम महत्व दिइएको देखिन्छ। कोरोना भाइरस (कोभिड १९) का कारण प्रभावित खेल क्षेत्रका बारेमा कुनै योजना नदेखिएको हो।
सरकारले नेपालमा नै अयोजना भएको १३औँ दक्षिण एसियाली खेलकुद (साग) मा ५१ स्वर्णसहित जितेको २०७ पदकको महत्व औँल्याएँ पनि अहिलेको विषम परिस्थितिमा आवश्यक नीति तथा कार्यक्रम भने ल्याएको देखिएन।
कोभिड १९ महामारीको चपेटामा परेको असहज अवस्थामा बैठकलाई सम्बोधन गर्दैछु भन्दै आर्थिक वर्ष २०७७÷७८ को नीति तथा कार्यक्रम प्रस्तुत गरेकी राष्ट्रपती विद्यादेवी भण्डारीले कोरोनासँग लड्न सुविधा अपर्याप्त रहेको उल्लेख गरेकी थिइन्। सरकारको नीति तथा कार्यक्रममा स्वास्थ्य, शिक्षा, कृषि, पर्यटन जस्ता विषयमा दिइएको महत्व खेलकुदमा भने देखिएन।
१३औँ दक्षिण एसियाली खेलकुद प्रतियोगितामा ५१ स्वर्ण सहित २०७ पदक जितेको उल्लेख गरिएको नीति तथा कार्यक्रममा राष्ट्रिय, क्षेत्रीय र अन्तर्राष्ट्रिय खेलकुदमा सहभागी भइ पदक जित्ने गरी खेलाडीको विकास गरिने, स्थानीय, राष्ट्रिय तथा प्रादेशिक स्तरमा सुविधा सम्पन्न खेलकुद पूर्वाधारको निर्माण एंव स्तरोन्नती गर्ने कामको निरन्तरता दिइने उल्लेख छ।
यसका साथै उच्च पर्वतीय खेलकुद तालिम केन्द्र बनाउने काम अघि बढाइने र निजी क्षेत्रबाट पहल गरिएका खेलकुद पूर्वाधार निर्माणलाई प्रोत्साहन गरिने विषय उल्लेख छन्।
गएको वर्ष १३औँ राष्ट्रिय खेलकुद आयोजनालाई प्राथमिकतामा राख्नुका साथै मूलपानी रंगशाला दुई वर्षभित्र सञ्चालनमा ल्याउने, निजी क्षेत्रको अग्रसरतामा हुने क्रिकेटलगायतका खेल मैदानहरुको निर्माणलाई प्रोत्साहन गर्ने, क्रिकेट एकेडेमी स्थापना गर्ने, सबै प्रदेशमा सुविधासम्पन्न रंगशाला र स्थानीय तहमा दीर्घकालीन महत्वका खेलग्राम निर्माण, विकास र विस्तार गर्ने कामलाई तीब्रता दिइने बताइएको थियो। त्यही अनुसार बजेट पनि ल्याइएको थियो।
तर गएको वर्षको नीति तथा कार्यक्रम पूरा नभए पनि यसवर्ष ती योजनाको सम्बोधन हुने देखिएको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791562069.png)
