काठमाडौं– सरकारले पोखरामा निर्माण भइरहेको पोखरा क्षेत्रीय अन्तर्राष्ट्रिय विमानस्थल आगामी आर्थिक वर्षभित्र निर्माण सम्पन्न गरी सञ्चालनयोग्य बनाउने नीति लिएको छ। साथै विमानस्थल सञ्चालनको तयारी पनि आगामी आर्थिक वर्षभित्रै सम्पन्न गर्ने सरकारको तयारी छ।
सरकारले आगामी आगामी आर्थिक वर्ष २०७७/०७८ को तय गरेको नीति तथा कार्यक्रम संघीय संसदको संयुक्त बैठकमा वाचन गर्दै राष्ट्रपति विद्यादेवी भण्डारीले जानकारी गराएकी हुन्।
विमानस्थल निर्माण सम्पन्न गर्नुपर्ने समय २०२१ को जुलाईसम्म रहेको छ। तर, कोभिड–१९ का कारण विमानस्थल निर्माण केही अवरोध भने भइरहेको छ। तर, निर्माण कार्य पूर्ण रुपमा ठप्प भने भएको छैन।
चिनियाँ निर्माण कम्पनीले विमानस्थल निर्माणमा ४४ प्रतिशतभन्दा बढी काम गरिसकेको छ। विमानस्थलको रन-वे निर्माण गर्नेदेखि १४ वटा भवनको संरचना बनाउने काम सकिसकेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।