काठमाडौं- राष्ट्रपति विद्यादेवी भण्डारीले कोरोना भाइरसका कारण कुनै पनि नागरिकले ज्यान गुमाउने अवस्था आउन नदिने काम सरकारले गराउने बताएकी छन्। संघीय संसदको संयुक्त सदनमा सरकारको नीति तथा कार्यक्रमलाई सम्बोधन गर्दै महामारीमुक्त देश बनाउनु यो सरकारको पहिलो प्राथमिकता हुने बताइन्। सरकारले यसलाई रोक्नका लागि कार्य गर्ने उनले बताइन्।
‘कोरोना संक्रमणको परीक्षणलाई सरकारले व्यापक बनाउनेछ। स्वास्थ्यकर्मी तथा औषधि उपचार व्यापक बनाउनेछ’ उनले भनिन्‚ ‘यस अवधीमा कसैको पनि ज्यान जाने अवस्था आउन नदिनेतर्फ काम गर्नेछ।’
राष्ट्रपति विद्यादेवी भण्डारीले सरकारको पहिलो प्राथमिकता देशलाई कोरोनामुक्त बनाउनु रहेको पनि बताएकी छन्। ‘सरकारको पहिलो प्राथमिकता नेपाललाई कोभिड-१९ मुक्त बनाउनु रहेको छ’ राष्ट्रपति भण्डारीले भनिन्। कोरोना भाइरसका कारण मानवीय क्षति हुन नदिन सरकार दृढ रहेको बताइन्।
व्यापक परीक्षण गरेर सरकारले भाइरसको संक्रमण फैलन नदिन काम गरिरहेको उनको भनाइ छ। सरकारले फजुल खर्च रोक्ने र वित्तीयअनुसार कायम गर्ने उनले बताइन्।
अन्तर्राष्ट्रिय श्रम बजार खुम्चने भएकाले स्वदेशमै रोजगार सृजना गर्नेतर्फ सरकारले काम गर्ने उनले बताइन्। भ्रष्ट्राचार नियन्त्रण, सुशासन प्रवर्द्धन गर्ने कार्यमा काम गर्ने उनले बताइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1767001543.png)
-1767000474.png)
-1766992509.png)
-1764146706.png)
-1766928868.png)
-1766648928.png)
