पशु विभाग त्रिपुरेश्वरका प्रमुखसहित दुईजना विरुद्ध भ्रष्टाचार मुद्दा दायर

समाचार

नेपाल लाइभ बिहीबार, जेठ १, २०७७ १४:५०

काठमाडौं- अख्तियार दुरुपयोग अनुसन्धान आयोगले पशु विभाग अन्तर्गत पशु स्वास्थ्य चिकित्सालय, त्रिपुरेश्वरका प्रमुख पशु चिकित्सक डा बलराम थापासहित दुईजना विरुद्ध भ्रष्टाचार मुद्दा दायर गरेको छ। आयोगले बिहीबार विशेष अदालतमा उनीहरु उपर आर्थिक अनियमितता गरेको आरोपमा भ्रष्टाचार मुद्दा दायर गरेको हो।

थापाले पदको दुरुपयोग गर्दै औषधि खरिदमा सम्बन्धित औषधी कम्पनीसँग मिलेमतो गरी नेपालमा दर्ता नै नभएको इन्डियन इम्युनोलोजिकल लिमिटेड नामक भारतीय कम्पनीबाट उत्पादित औषधि र औषधिजन्य पदार्थ आयातको लागि सिफारिस गरेको अख्तियारको अनुसन्धानमा पाइएको छ।

केन्द्रीय रिफरल पशु चिकित्सालयका प्रमुख पशु चिकित्सक हुँदा थापाले आफू तथा औषधी व्यवसायीलाई गैरकानुनी लाभ लिनका लागि आफूले नपाएको ओहदा, अधिकार, हैसियत दाबी गर्दै नेपालमा दर्ता इजाजत नभएको इन्डियन इम्युनोलोजिकल लिमिटेड नाम गरेको कम्पनीबाट उत्पादित पशुपंक्षीजन्य औषधिहरू आयातको लागि सिफारिस गरेको आयोगको आरोपपत्रमा उल्लेख छ।

भन्सार कार्यालय वीरगञ्जलाई पनि उनले पत्र लेखेर मुनाल बायोभेटका सञ्चालक रेवतीरमण निरौलालाई उपलब्ध गराई पैठारी गर्न लगाएको अख्तियारको अनुसन्धानमा पाइएको छ।

थापाको उक्त कार्य भ्रष्टाचार निवारण ऐन विरुद्धको कसुर भएकोले हदैसम्मको कैद र जरिवाना गर्न माग गरेका छ। आयोगले उक्त कार्यमा मतियारको काम गरेको आरोपमा मुनाल बायोभेट फर्माका प्रोप्राइटर रेवतीरमण निरौलालाई पनि कैद र जरिवानाको सजाय भ्रष्टाचार निवारण ऐन अनुसार गर्न माग गरेको छ। उनलाई पनि दुई वर्ष कैद र एक लाखसम्म कैदको सजाय माग गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना