काठमाडौं-कोरोना भाइरस (कोभिड–१९) का कारण बेलायतमा इंग्ल्यान्डमा जुनसम्म सबै खेलकुद गतिविधि बन्द गर्ने सरकारको निर्णय आगामी जुनसम्म खेलकुदका कुनै पनि गतिविधि नहुने भएको छ।
बेलायत सरकारले मंगलबार आगामी जुन १ तारिखसम्म खेलकुदका कुनै पनि गतिविधि नगर्ने निर्णय गरेको हो। सरकारले ५० पृष्ठ लामो वक्तब्य निकाल्दै कुनै पनि खेलकुद गतिविधि नगराउन निर्देशनसमेत दिएको छ।
पछिल्लो समयमा इंग्लिस प्रिमियर लिग फुटबल आयोजना गर्नेसम्बन्धी बहस चलिरहेको छ। कुनै क्लब बन्द र न्युट्रल रंगशालामा खेल्न सहमत भइरहेका छन् अन्य क्लबको आपत्ति पनि छ। मार्च १३ तारिखमा कोरोनाका कारण प्रिमियर लिग स्थगित भएको थियो। अब जुन महिनापछि सुचारु हुन सक्नेछ। प्रिमियर लिगमा ३८० खेलमा अझै ९२ खेल बाँकी छ।
यता, क्रिकेट भने इंग्ल्यान्डमा जुलाईसम्मका लागि बन्द गरिएको छ। कोरोना भाइसका कारण इंग्ल्यान्ड एण्ड वेल्स क्रिकेट बोर्डले कोरोना भाइरसका कारण घरेलु प्रतियोगिता तथा अन्तर्राष्ट्रिय सिरिज जुलाईसम्म नगर्ने यसअघि नै निर्णय गरेको थियो। पछिल्लो समयमा बोर्डले कहिलेबाट खेलाउन सकिन्छ भनेर बैठक बस्दै आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
