काठमाडौं- वैदेशिक रोजगार बोर्डले कोरोनाका कारण विदेशमा ज्यान गुमाउने श्रमिकका हकवालालाई ५० हजार दिने भएको छ।
आइतबारको मन्त्रीस्तरीय निर्णयले मृतकका हकवालालाई राहत/सान्त्वना स्वरुप ५० हजार दिने निर्णय गरेको हो।
कोरोनाका कारण विदेशमा ज्यान गुमाएका श्रमिकहरुको विदेशमा नै अन्त्येष्टि गरिने बोर्डले जनाएको छ। जसका लागि मृतकका हकवालाले सहमति पत्र आवश्यकता पर्ने बोर्डले उल्लेख गरेको छ। सहमति पत्र सम्बन्धित जिल्ला प्रशासन कार्यालयमार्फत बोर्डको सचिवालयमा पठाउन समेत मृतकका परिवारलाई बोर्डले आग्रह गरेको छ।
कोरोना भाइरसका कारण विदेशमा हालसम्म ७९ जना नेपालीको ज्यान गएको छ। उनीहरुमध्ये श्रम स्वीकृति लिएर गएका कति छन् भनेर खुलाइएको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
