काठमाडौं- कोरोना भाइरस (कोभिड १९) ले विश्व व्यवस्थालाई असर गरिरहँदा त्यसविरुद्ध लड्न विभिन्न देशले रकमको जोहो गरिरहेका छन्। त्यसमा विभिन्न क्षेत्रका व्यक्ति र संस्थाहरुले पनि सरकारलाई सहयोग गरिरहेका छन्।
त्यसमा विभिन्न क्रिकेट खेलाडीहरुले पनि सहयोगका लागि काम गरिरहेका छन्। पूर्व क्रिकेटर सचिन तेन्दुलकरदेखि रोहित शर्मा, सुरेश रैना, जस बटलर लगायतले सहयोग गरिरहेका छन्। यस्तोमा पाकिस्तानका क्रिकेटर अजहर अलीले आफ्नो ब्याट र जर्सी लिलामीमा राखेर आएको रकम कोरोनाविरुद्ध लड्न सरकारलाई सहयोग गरेका छन्।
उनले तेहोरो शतक हानेको ब्याट र २०१७ को आइसिसी च्याम्पियन्स ट्रफी फाइनलमा लगाएको जर्सी अनलाइन लिलामीमा राखेका हुन्। जसमा राष्ट्रिय टिमका सबै खेलाडीको हस्ताक्षरसमेत रहेको छ।
दुवै सामानको गरेर २.२ मिलियन पाकिस्तानी रुपी आएकोमा रकम कोरोनाविरुद्ध लड्न पाकिस्तान सरकारलाई सहयोग दिइएको हो। जसमा अजहर अलीको ब्याट भारतको पुनेमा रहेको एउटा संग्रहालयले १ मिलियन रुपीमा किनेको छ। जुन ब्याटले अजहरले २०१६ मा वेस्ट इन्डिजविरुद्ध डे–नाइट टेस्टमा पहिलोपटक तेहोरो शतकको कीर्तिमान बनाएका थिए।
त्यस्तै जर्सी भने पाकिस्तानी मूलका नै क्यालिफोर्नियामा रहेका एक व्यक्तिले किनेका छन्। अजहरले आफ्नो निकै नजिक रहेको दुवै सामान लिलामीमा राखेको पनि सामाजिक सञ्जालमार्फत समेत जानकारी दिएका थिए। जसपछि ती सामानमाथि बोली लागिरहेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768309886.png)
-1768291693.png)
-1764146706.png)
-1768288990.png)
