काठमाडौं- कोरोना भाइरसका कारण सरकारले चैत ११ देखि देश लकडाउन गरेपछि राेकिएका विकास विकास निर्माणका काम पुनः सुरु हुन थालेका छन्। भौतिक पूर्वाधार तथा यातायात मन्त्रालयअन्तर्गत सडक विभाग तथा रेल विभागले विश्व स्वास्थ्या संगठन र सरकारले तोकेको मापदण्ड पुरा गरेर निर्माणका कार्यलाई सुचारु गरेका हुन्।
अघिल्लो साता कोरोना जोखिम न्यूनीकरण उच्चस्तरीय समितिबाट भौतिक पूर्वाधार तथा यातायात मन्त्रालयको मापदण्ड पुरा गरेर कामलाई निरन्तरता दिने प्रस्ताव स्वीकृत भएपछि सडक तथा रेल निर्माणका काम पुनः सुरु भएका हुन्। सडक विभागअन्तर्गतका दर्जनौ आयोजनाको काम सुरु भइसकेको छ भने बहुप्रतिक्षित रेल मार्गको काम समेत पुनः सुरु भएको छ।
रेल विभागका महानिर्देशक बलराम मिश्रका अनुसार बर्दिबास–निजगढ खण्डमा पर्ने रौतहटको सन्तपुर क्षेत्रको ट्रयाक बेड तथा सोमा पर्ने मुख्य र सहायक संरचनाको काम सुरु भएको हो। ‘सरकारले तोकेको मापदण्ड पुरा गरेर निर्माणको कामलाई पुनः सुरु गरिएको हो,’ उनले भने, ‘उच्चस्तरीय समितिबाट स्वीकृत भएअनुसार सबै मापदण्ड पुरा गरेर हामीले काम थालेका हौं।’ निर्माण सामग्रीको उपलब्धता र अन्य विषयमा स्थानीय प्रशासनसँग समन्वय गरेर काम भइरहेको मिश्रको भनाइ छ।
विश्व स्वास्थ्य संगठन र सरकारले तोकेको सामाजिक दूरी तथा सुरक्षाका सम्पूर्ण व्यवस्था पुरा गरी काम भइरहेको छ। रेलमार्गका लागि आवश्यक पर्ने भौतिक संरचना निर्माणका लागि निर्माण व्यवसायीले आवश्यकता अनुसार श्रमिक परिचालन गरेका छन्।
रौतहट खण्डको काम सुरु भएको १० दिन भएको र महोत्तरी खण्डको काम भने ३/४ दिन अघिदेखि सुरु भएको मिश्रले जानकारी दिए। दुवै खण्डमा पर्ने ट्र्याक, सहायक संरचना र पुलसमेत निर्माण भइरहेका छन्। दुवै खण्डमा पुलसमेत निर्माणका लागि करिब ४ सय जति मजदुरले काम गरिरहेको उनको भनाइ छ।
निर्माण स्थलमा निर्माण सामग्री पनि रहेको र उपकरण तथा जनशक्तिसमेत रहेकाले काम गर्न सहज भएको महानिर्देशक मिश्रले बताए। निर्माणको काममा पुनः अप्ठेरो परे रेल विभागले त्यसलाई सहजीकरण गर्ने समेत उनको भनाइ छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1743937872.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743930985.png)
-1743318385.png)
-1742289396-1743592964.jpg)
