विदेशमा १९ सयभन्दा बढी नेपाली कोरोना संक्रमित, ४९ को मृत्यु

कोरोना अपडेट

नेपाल लाइभ आइतबार, वैशाख १४, २०७७ १३:३५

काठमाडौं- गैरआवासीय नेपाली संघ (एनआरएनए)ले सार्वजनिक गरेको तथ्यांकअनुसार शनिबारसम्म विदेशमा कोरोना भाइरस संक्रमित नेपालीको संख्या १ हजार ९ सय ८२ पुगेको छ।

संक्रमित हुनेहरुमा अमेरिकामा १ हजार, बेलायतमा ७ सय, युएईमा ८१, बहराइनमा ४९, कुवेतमा ४२, प्रोतुगलमा २७, आयरल्याण्डमा २२, स्पेनमा १२, अष्ट्रेलियामा ११, स्वीजरल्याण्डमा ५, बेल्जियममा ६, साउदी अरबमा ४, जर्मनीमा ४, मलेसियामा ३, क्यानाडामा ३, न्युजरल्याण्डमा ३, साईप्रसमा ३, जापानमा २, हङकङमा २, माल्टामा २ र फ्रान्समा १ संक्रमित रहेको संघको कोभिड १९ उच्चस्तरीय समितिले जनाएको छ।

एनआरएनएका अनुसार विश्वभर फैलिएको कोरोनाका कारण २५ अप्रिल साँझसम्म ४९ जना नेपालीको मृत्यु भएको छ। मृत्यु हुनेहरुमा बेलायतमा ३३, अमेरिकामा १०, युएईमा २, आयरल्याण्डमा १, जापानमा १, टर्कीमा १ र नेदरल्याण्डमा १ जना रहेका छन्।

विश्वभर छरिएका गैरआवासीय नेपाली विज्ञ चिकित्सहरुको समूहले तयार पारेको सो आँकडाअनुसार २४ देशमा रहेका नेपालीहरु कोरोना भाइरसबाट संक्रमित छन्। एनआरएनएको स्वास्थ्य समितिका अनुसार विदेशमा संक्रमित नेपाली मध्ये ४ सय ३४ जना नेपाली निको भएका छन्।

समितिले विदेशस्थित विभिन्न अस्पतालमा कार्यरत तीन दर्जन नेपाली चिकित्सक, नेपाली कूटनीतिक नियोग, गैरआवासीय नेपाली संघका शाखाहरु तथा स्थानीय संघसंस्थाद्वारा प्राप्त सूचनालाई मुख्य आधार मानेर हरेक आइतबार विदेशमा रहेका नेपालीहरुको कोरोना संक्रमणको तथ्यांक संकलन गर्दै आएको छ।

यसैबीच कोरोना भाइरसको महमारीबाट प्रभावित भएका नेपालीहरुको सहयोगार्थ गैरआवासीय नेपाली संघले आफ्ना शाखाहरुलाई परिचालन गरेको छ। गैरआवासीय नेपाली संघका महासचिव डा हेमराज शर्माका अनुसार कोरोना महामारीपछि ४१ देशमा रहेका संघका शाखाहरुमार्फत् ९ सय जना स्वयंसेवक परिचालन गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

‘फेरि रेशम फिलिली’ टिजरमा अमेरिका मोहको कथा

अस्ट्रेलिया फर्किइन् सरस्वती

भारतीय वायुसेनाको लडाकु विमान दुर्घटना