काठमाडौं- अस्ट्रेलियाका पूर्व अलराउण्ड क्रिकेटर ग्रामी वाट्सनको ७५ वर्षको उमेरमा निधन भएको छ। उनी लामो समयदेखि क्यान्सर रोगविरुद्ध लडिरहेका थिए।
मिडिल अर्डर ब्याट्सम्यान र मिडियम पेस बलर वाट्सनले सन् १९६७ देखि १९७२ सम्म अस्ट्रेलियाका लागि पाँच टेस्ट क्रिकेट र १९७२ मा दुई एकदिवसीय खेल खेलेका थिए।
भिक्टोरियामा घरेलु क्रिकेट सुरु गरेका वाट्सनले १९६६–६७ मा दक्षिण अफ्रिका टुरका बेला डग वाल्टरको ठाउँमा राष्ट्रिय टिममा स्थान बनाएका थिए। उनले आफ्नो डेब्यू टेस्टमा नै पहिलो इनिङमा ५० रन बनाएका थिए। जितेको उक्त टेस्टपछि घाइते रहेका उनले अर्को टेस्ट भने गुमाएका थिए। खेल जीवनभर नै चोटका कारण उनले राम्ररी खेल्ने मौका पाएनन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।