काठमाडौं- बुन्डेस लिगा फुटबल मे दोस्रो सातादेखि सुरु गर्न तयारी गरिएको छ।
जर्मन फुटबल लिग (डिएफएल) ले बिहीबार कोरोना भाइरस (कोभिड–१९) का कारण स्थगित भएको लिग मे ९ तारिखदेखि पुनः सुरु गर्ने जानकारी दिएको छ। रोकिएका बुन्डेस लिगा र सेकेन्ड डिभिजन सक्नका लागि जर्मन फुटबल लिगले बिहीबार ३६ व्यवसायिक क्लबसँग छलफल गरेको थियो।
जर्मन फुटबल लिगले बुन्डेस लिगालाई सुरु गर्न आफूहरु तयार भएको जनाए पनि जर्मन सरकारले यसको निर्णय गर्ने छ। सरकारले लिगलाई सुचारु गर्न आदेश दिएमा जर्मन फुटबलले भनेकै मितिमा सुरु हुनेछ तर सरकारले नगर्न निर्देशन दिएमा बुन्डेस लिगा तत्काल सुरु हुने छैन।
जर्मन फुटबल लिगका प्रमुख कार्यकारी अधिकृत क्रिस्टियन सेफर्टले भनेका छन्, ‘यदि हामी मे ९ देखि सुरु गर्छौ भने हामी तयार छौं। यदि योभन्दा पछि सुरु गर्छौ भने पनि हामी तयार हुनेछौं।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
