बैंकक- थाइल्याणडका विभिन्न स्थानमा रहेका करीब २ सय नेपाली विद्यार्थीहरु बिचल्लीमा परेका छन्। नेपालका विभिन्न कलेजमा होटेल म्यानेजमेन्ट अध्ययनरत विद्यार्थीहरु इन्टर्नका लागि थाइल्याण्ड पुगेका थिए। फुकेट, पताया, बैंककलगायत थाइल्याण्डका विभिन्न स्थानमा रहेका नेपाली विद्यार्थीहरु डेढ महिनादेखि अलपत्र परेका छन्।
आफूले काम गर्दै आएका होटेल बन्द भएपछि यतिखेर विद्यार्थीहरु आफ्नै खर्चमा होस्टेलमा त कोही होटेलमा बसिरहेका छन्। नेपाल फर्किनका लागि प्लेन चार्टर गरिदिन आग्रह गरेपनि थाइल्याण्डस्थित नेपाली राजदुतावासले बेवास्ता गरेको विद्यार्थीहरुले गुनासो गरेका छन्। ‘प्लेन चार्टरको भाडा हामी व्यहोर्छौंं’ भन्दा पनि कसैले सहयोग गरेनन्।’ थाइल्याण्डको फुकेटबाट सन्तोष भुसालले भने‚ ‘डेढ महिनादेखि निरन्तर प्रयास गरेपनि राजदुतावासले कत्ति सुनुवाइ गरेको छैन।’ अहिले उनी बसिरहेको फुकेटको होस्टेलमा १९ नेपाली विद्यार्थीहरु छन्। सन्तोष रातोपुलस्थित नेपाल कलेज अफ ट्राभल एण्ड टुरिजम म्यानेजमेन्टका विद्यार्थी हुन्।
लामो समय आफ्नै खर्चमा बसिरहेका विद्यार्थीहरुले खान र होस्टेलको पैसा तिर्न नसक्ने समस्या भोगिरहेका छन्। नेपाली विद्यार्थीहरु बसिरहेका क्षेत्र तुलनात्मक रुपमा महंगा छन्। एक छाक खान १ सय भाट (३ सय ७० रुपैंया) तिर्नुपर्छ। पानी, खानेकुरा, बिजुली, वाइफाइको खर्च आफैंले तिर्न उनीहरु बाध्य छन्। बिचल्लीमा परेका नेपालीहरुका लागि एनआरएनए थाइल्याण्डले पनि कुनै चासो दिएको छैन। ‘राजदुतावासमा धेरै पटक फोन गरें। तर कुनै रेस्पोन्स नै आएन।’ सन्तोष भुसालले भने‚ ‘हामी एकदमै आजित भइसक्यौं। न त सरकारले सुन्छ, न त राजदुतावासले।’
आक्रोशित बनेपछि सन्तोषले सोसल मिडियामा आफ्नो समस्या र गुनासो पोखे। त्यसपश्चात् राजदुताबासले एक पटक सबैको पासपोर्ट नम्बर माग्यो। उनले सबैको पासपोर्ट नम्बर पठाइदिए। तर, त्यसपछि कुनै चासो दिइएन। राजदुतावासको फोन उठ्नै छाड्यो।
थाइल्याण्डमा लकडाउन छैन। निर्बाध रुपमा सवारीसाधन गुडिरहेका छन्। मानिसहरुलाई सामान किन्न दिइएको छ। समय समयमा मार्ट, पसलहरु खुलाउने गरिएको छ। थाइल्याण्ड सरकारले कोही पनि विदेशी संक्रमित भएमा एक रुपैयाँ पनि सहयोग नगर्ने घोषणा गरिसकेको छ। सामान्य बिरामी कोही अस्पताल भर्ना भयो भने यहाँको अस्पतालमा बेडका लागि एक रातको १० हजार रुपैयाँ तिर्नुपर्ने त्यहाँ रोकिएका नेपालीहरूले बताए।
थाइल्याण्डमा अलपत्र परेका विद्यार्थीहरुलाई काठमाडौंस्थित नेपाल कलेज अफ ट्राभल एण्ड टुरिजम म्यानेजमेन्टका कोर्डिनेटर भुप्रसाद शर्मा, र थाइल्याण्ड पठाउने एजेन्ट ज्योती शर्माले भने सहयोगको र सान्त्वना दिइरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789383080.png)
