काठमाडौं- स्पेनिस क्लब बार्सिलोनाको फुटबल रंगशाला नाउ क्याम्पको नाममा स्पोन्सरको नाम प्रयोग गर्न मिल्ने गरी सहमति गर्ने भएको छ। जसबाट आएको पैसा कोरोना भाइरस (कोभिड १९) विरुद्ध लड्न प्रयोग गरिने बार्सिलोनाले जनाएको छ।
नाउ क्याम्प खुला भएको सन् १९५७ देखि अहिलेसम्म त्यसको नाममा स्पोन्सर प्रयोग गरिएको थिएन। अहिलेको कठीन परिस्थितिमा क्लबहरु आर्थिक संकटमा पर्दै जाँदा कमाइको विभिन्न माध्यमहरुको खोजी भइरहेको छ। जसअनुसार २०२०–२१ को सिजनमा क्याम्प नाउमा स्पोन्सर प्रयोग गर्ने गरी स्पोन्सर खोज्ने जिम्मा बार्सा फाउन्डेसनलाई दिइएको छ।
कोरोना भाइरस (कोभिड १९) का कारण बढ्दै गएको संकटका कारण बार्सिलोनाका खेलाडीहरु अहिले ७० प्रतिशत तलब कम लिन पनि तयार भएका छन्। रोकिएको ला लिगा र च्याम्पियन्स लिग जस्ता प्रतियोगिताहरु पुनः सुरु हुन्छन् या यत्तिकै सकिन्छन् भन्ने दुविधा नै देखिन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
