काठमाडौं– संविधानको मर्म र भावना विपरीत अधिनायकवादी सोचका साथ अध्यादेश ल्याइएको कांग्रेसले जनाएको छ। मंगलबार बसेको पार्टीकाे पदाधिकारी बैठकले याे जनताको जीवनप्रतिको उदासिन व्यवहार र लोकतान्त्रिक संविधानका लागि अशुभ संकेत भएको निर्णय गरेको छ।
राजनीतिक दलसम्बन्धी व्यवस्थाको अध्यादेशले अस्थिरता निम्त्याउने जनाउँदै बैठकले यस्ताे निर्णय गरेको हाे। कोरोनासँग संगठित ढंगले लड्नुपर्ने बेलामा राजनीतिक दल विभाजन गर्ने प्रावधान ल्याउनु विरोधाभासपूर्ण र षड्यन्त्रपूर्ण भएको कांग्रेसको ठहर छ।
संवैधानिक परिषद्सम्बन्धी अध्यादेशले संविधानको मर्म र भावनालाई समाप्त गरेको कांग्रेसले जनाएको छ। लोकतान्त्रिक संविधानलाई असफल बनाउने षड्यन्त्र गरेको जनाउँदै कांग्रेसले सरकारको कदमलाई नियोजित ठहर गरेको छ।
पार्टी सभापति शेरबहादुर देउवा निवासमा बसेको बैठकले अध्यादेश फिर्ता गर्न माग गर्दै प्रतिवादमा उत्रन सबैलाई आग्रह गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787755124.jpg)
-1787821305.jpg)
-1786602170.png)
-1786513116.png)
