काठमाडौं- वायन रोनी भन्ने वितिकै सबैको दिमागमा आइहाल्छ, उनी इंग्ल्यान्डका स्टार फुटबलर हुन्। उनको परिचय यतिमा मात्रै सीमित छैन। उनी इंग्ल्यान्ड तथा म्यानचेस्टर युनाइटेडका सर्वाधिक गोलकर्ता पनि हुन्।
सन् २०१८ मा अन्तर्राष्ट्रिय करिअरबाट सन्यास लिएका रोनी अहिले डर्वी काउन्टी फुटबल क्लबका सहायक प्रशिक्षक छन्। सन् २००२ देखि व्यवसायिक फुटबल करिअरमा पाइला टेकेका रोनी त्यस्ता इंग्लिस फुटबलर हुन्, जसले क्लब र राष्ट्रबाट आफ्नो नाममा थुप्रै कीर्तिमान राखेका छन्।
रोनीको नाममा इंग्ल्यान्डबाट सर्वाधिक ५३ गोलको कीर्तिमान छ। त्यस्तै, म्यानचेस्टर युनाइटेडबाट २५३ गोलको सर्वाधिक गोलकर्ताको कीर्तिमान उनको नाममा छ। तर पनि रोनी आफू कुनै प्राकृतिक गोलकर्ता नभएको बताउँछन्।
रोनीले भनेका छन्, ‘म प्राकृतिक गोलकर्ता होइन्। म कहिल्यै ग्यारी लिंकर र राउड भान निस्टेल्रोय जस्तो बन्न सकिन।’
रोनीले इंग्ल्यान्डबाट १२० क्याप खेल्दै ५३ गोल गरेका छन्। त्यस्तै, १३ वर्ष म्यानचेस्टर युनाइटेडमा रहेका रोनीले ५५९ खेलबाट २५३ गोल गर्दै रेकर्ड राखेका थिए। उनले २००४ देखि २०१७ सम्म युनाइटेडबाट ब्यवसायिक फुटबल खेलेका थिए। त्यसपछि पुनः एभर्टन नै फर्किएका थिए।
रोनीले भनेका छन्, ‘मैले म्यानचेस्टर युनाइटेड र इंग्ल्यान्डबाट सर्वाधिक गोलको रेकर्ड राख्न सफल भए। यसमा मलाई गर्व छ। तर अझ धेरै गोल गर्ने अवसर थियो मसँग।’
रोनीले लामो समय इंग्ल्यान्डको कप्तान भएर फुटबल खेले। अहिले इंग्ल्यान्डको कप्तानमा ह्यारी केन छन्। ह्यारी केनले आफ्नो रेकर्ड रोड्न लामो समय नलाग्ने पनि रोनीले बताएका छन्।
‘मलाई लाग्दैन की ह्यारी केनलाई मेरो रेकर्ड तोड्न लामो समय लाग्ने छ। उनले मेरो रेकर्ड तोड्दा मेरो लागि गर्वको क्षण बन्ने छ’, इंग्ल्यान्डका पूर्व कप्तान समेत रहेका रोनीले थपेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791372651.png)
-1786602170.png)
