काठमाडौं- विश्व फुटबलमा एक दशकभन्दा लामो समयदेखि चलिरहेको रोनाल्डो-मेस्सी बहसमा समय समयमा केही पूर्वखेलाडीको प्रतिक्रिया चर्चाको विषय बन्ने गर्छ। हुन पनि यी खेलाडीले विश्व फुटबलमा देखाएको खेल कौशल यो समयको सबैभन्दा उत्कृष्ट फुटबल देन हो।
इटालियन क्लब युभेन्टसमा रहेका पोर्चुगलका क्रिष्टियानो रोनाल्डो र स्पेनिस क्लब बार्सिलोनामा रहेका अर्जेन्टिनाका लियोनल मेस्सीमा को राम्रो भन्ने विषयको यस्ता चर्चामा फुटबल जगतका उत्कृष्ट खेलाडीको सम्मान गरिरहेकै हुन्छ। केही रमाइलो र केही प्रतिस्पर्धा मिश्रित यस्ता चर्चामा अहिले इंग्ल्याण्डका पूर्वफुटबलर डेभिड बेकह्यामले मेस्सीको पक्ष लिएका छन्।
‘मेस्सी आफ्नो स्तरमा एकमात्र उत्कृष्ट खेलाडी हुन्। उनीजस्तो खेलाडी हुन अरु कोहीका लागि असम्भव छ। एक खेलाडीको रुपमा उनी जस्तो अरु कोही छैन। रोनाल्डो जस्ता खेलाडी आफ्नै स्तरको उच्चतम बिन्दुमा छन्’ बेकहमलाई उद्धृत गर्दै स्पेनिस पत्रिका मार्काले लेखेको छ।
‘मेस्सी र रोनाल्डाका कला र प्रतिभामा समानता देखिन्छ। उनीहरु जस्ता खेलाडी पाउनु विश्व फुटबलका लागि खुसीको कुरा हो। त्यसमा पनि मेस्सी त विश्वकै उत्कृष्ट खेलाडी हुन्’ बेकहमले भनेका छन्।
विश्व फुटबलमा सर्वाधिक विशेष मानिने व्यक्तिगत उपाधि बालोना डिओर नै पनि सन् २००८ पछि मेस्सी र रोनाल्डोले गरेर ११ पटक जितिसकेका छन्। आफ्नो खेल जीवनको अन्तिम वर्षहरुमा रहेका यी दुवै खेलाडी अहिले पनि उस्तै लयमा देखिन्छन्।
कोरोना भाइरस (कोभिड १९) का कारण रोकिएको अहिलेको फुटबल सिजनमा पनि केही नयाँ प्रतिभासँगै विश्व फुटबलको केन्द्रमा यी दुवै खेलाडी रहे। मेस्सीले यो सिजन सबै गरेर ३१ खेलमा २४ गोल गरेका छन् भने १६ गोलमा असिस्ट गरेका छन्। त्यसैगरी रोनाल्डोले ३२ खेलमा २५ गोल गरेका छन् भने ४ गोलमा असिस्ट गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791703930-1791704860.jpg)
-1786602170.png)
