सडकका निर्माणका काम अघि बढाउन विभागको निर्देशन

पूर्वाधार

नेपाल लाइभ शुक्रबार, वैशाख ५, २०७७ २३:३५

काठमाडौं- सडक विभागले मातहतका कार्यालयहरूलाई निर्माणको काम अघि बढाउन पत्राचार गर्दै निर्देशन दिएको छ। कोरोना भाइरस (कोभिड १९)को महामारीका कारण देश लकडाउनमा रहेको अवस्थामा पनि विकास निर्माणको कामलाई गति दिने भन्दै विभागले उक्त पत्राचार गरेको हो।

सडक विभागले भौतिक पूर्वाधार तथा यातायात मन्त्रालयमार्फत् नोभेल कोरोना रोकथाम तथा नियन्त्रण उच्चस्तरीय समन्वय समितिबाट निर्णय गराएर मातहतका कार्यालयहरूलाई काम थाल्न भनेको हो। शुक्रबार विभागले मातहतका महाशाखा, निर्देशनालय, शाखासहित सबै डिभिजन कार्यालयलाई पत्र पठाएको हो।

विभागले समितिको १९औं बैठकले गरेको निर्णय अनुसार काम थाल्न भनेको छ। त्यस्तै सडक मर्मत तथा निर्माण र पुलहरूको समेत मर्म गर्दा सुरक्षाका लागि समितिले तोकेको प्रवधानको पूर्ण पालना गर्न समे कार्यालयहरूलाई भनेको छ।

त्यस्तै पत्रमा सडक निर्माण/मर्मतका लागि चाहिने कच्चा पदार्थको आपूर्तिका लागि स्थानीय प्रशासनसँग समन्वय गर्न भनिएको छ। त्यसका लागि गृह मन्त्रालयले स्थानीय प्रशासनलाई भनिसकेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनमत–नागरिक उन्मुक्ति एकता : सीके राउत कार्यकारी अध्यक्ष, पहिलो वरीयतामा रेशम चौधरी

स्वास्थ्य बीमा : बोर्डमा जम्मा एक अर्ब, भुक्तानी दायित्व १६ अर्ब ४५ करोड

हामीले राजावादी वितण्डाको विरोध गर्दा सरकारलाई राहत मिले जस्तो भएको छ : प्रचण्ड