काठमाडौं- कोरोना भाइरस (कोभिड १९) का कारण रोकिएको फुटबल गतिविधिपछि अहिले स्पेनिस क्लब रियल सोसिडाड अभ्यासमा फर्कने भएको छ। मंगलबारदेखि सुरक्षित रुपमा अभ्यास सुरु गर्ने क्लबले जनाएको हो।
क्लबले अभ्यास सामूहिक रुपमा भन्दा व्यक्तिगत रुपमा गर्नेमा नै जोड दिइने र दिनभरको समय लिएर गरिने उल्लेख गरेको छ। स्पेन सरकारले अत्यावश्यकबाहेकका कामदारहरुलाई सुरक्षित रुपमा नियमित काममा फर्कन अनुमति दिएसँगै क्लबले अभ्यासका लागि समय तोकेको हो।
ला लिगा अहिले अनिश्चित समयका लागि स्थगित छ। रियल सोसिडाड र एथ्लेटिक क्लबबीच हुने कोपा डेल रे फाइनल खेल पनि कहिले हुने यकिन छैन। तर पनि क्लबले नियमित अभ्यास गर्ने गरी समय तोकेको हो।
स्पेनिस ला लिगामा बार्सिलोना र रियल मड्रिडबीच यो सिजन उपाधि भिडन्त रोचक हुने देखिएको थियो। तर कोरोनाका कारण खेल स्थगित भएसँगै त्यो रोमाञ्चकता पनि सकिएको छ। २७ खेल सकिँदा ५८ अंकसहित बार्सिलोना शीर्ष स्थानमा थियो। दोस्रोमा रहेको रियल मड्रिडको ५६ अंक छ। रियल सोसिडाड २७ खेलमा ४६ अंकसहित चौथो स्थानमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1751526495.png)
-1749826086.png)
