काठमाडौं- म्यानचेस्टर युनाइटेडका खेलाडी पोउल पोग्बा गएको सिजन धेरै समय त घाइते रहेर मैदान बाहिरै भए। अहिले चोटमुक्त भएर मैदान फर्कने समयमा पनि कोरोना भाइरस (कोभिड १९) का कारण फुटबल गतिविधि ठप्प छ।
फ्रान्सबाट विश्वकप विजेता खेलाडी पोग्बाले २६ डिसेम्बरपछि खेल खेलेका छैनन्। त्यसबेला ढाँडमा समस्या देखिनुअघि सिजनको सुरुमा पनि उनमा चोटको समस्या देखिएको थियो।
यसैले खेलबाट धेरै समय टाढा रहनु परेकाले दिक्कलाग्दो समय बितिरहेको उनले बताएका छन्। कोरोना भाइरसको महामारी कम भएपछि उनी टिमसँगै अभ्यासमा फर्कने छन्। ‘म लगभग ठीक भइसकेको छु, अब टिमका अरु साथीहरुसँगै अभ्यासमा जाने समय सोचिरहेको छु’ उनले भने।
यो सिजन आठ खेल मात्र खेलेका उनले जनवरीमा अपरेसन गराएर आराम गरिरहेका हुन्। ‘मेरो करिअरमा त्यस्तो नराम्रो त केही भएको छैन, त्यसैले मैले हरेक कुरालाई राम्रो दृष्टिकोणले हेरिरहेको छु’, उनले भने, ‘मैदान फर्किएर राम्रो गर्न हतारो भइरहेको छ, यसले मलाई फुटबलको माया कति छ भन्ने बुझिरहेको छु।’
प्रिमियर लिग सुरुमा ३ अप्रिलसम्म र पछि ३० अप्रिलसम्म स्थगित गर्ने निर्णयपछि अहिले अनिश्चित कालका लागि स्थगित भएको छ। युरोपियन प्रतिस्पर्धाका अरु खेलहरु पनि अनिश्चित कालका लागि नै स्थगित छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791822485.png)
-1786602170.png)
