लकडाउनले नछोएको मेलम्ची आयोजना [फोटोफिचर]

कोरोना अपडेट

नेपाल लाइभ शनिबार, चैत २९, २०७६ १५:१९

काठमाडौ- देशभर लकडाउन भइरहँदा मेलम्ची खानेपानी आयोजनाको मुहानमा भने धमाधम कामदारहरु काम गरिरहेका छन्। यसअघि केही समय काम रोकिएको थियो । अहिले दैनिक काम चलिहरेको छ।

राष्ट्रिय गौरवको आयोजनाको रुपमा रहेको मेलम्चीको पानी दशैंसम्म काठमाडौं पुग्ने खानेपानीमन्त्री बिना मगरको घोषणा भएकाले तीव्र गतिमा काम भइरहेको छ। यसअघि सचिव र मन्त्रीका बीचमा विवाद हुदाँ इटालियन ठेकेदार कम्पनी सिएमसी बीचैमा अलपत्र छोडेर हिँडेको थियो। सिएमसी छोडेर हिँडेपछि पाँच प्रतिशत काम बाँकी रहेको उक्त ठेक्का फेरि नयाँ कम्पनीलाई दिइएको थियो।

नयाँ कम्पनीले काम लिएपछि पनि कोरोना भाइरस सुरु भएलगत्तै केही समय रोकिएको थियो। सरकारले राष्ट्रिय गौरवको आयोजनाको काम नरोक्ने भनेपछि मेलम्चीको पनि काम सुरु भएको हो। अहिले पानी हाल्ने हेडबक्स ढलान र त्यसलाई सुरक्षाका लागि आवश्यक काम कामदारले गरिरहेका छन्।

आयोजनाको पाँच प्रतिशतमात्र काम बाँकी रहेको छ। मेलम्चीको हेडबक्स ठेक्का पाएको कम्पनीले काम चालु राखेपछि स्थानीय भने त्रासमा रहेका छन्। आयोजनका लागि दैनिक टिपर र नयाँ नयाँ मान्छे हिँडिराख्ने भएकाले कोरोना भाइरसको त्रास भने स्थानीयमा फैलिएको हेलम्बु गाउँपालिकाका अध्यक्ष निमा ग्याल्जेज लामाले बताए। कोरोना भाइरसका कारण गाउँमा अन्य मानिसलाई छिर्न दिइएको छैन तर गौरवको आयोजनाको काम रोक्न नमिल्ने भएकाले बाधा गर्न नसकेको उनले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनमत–नागरिक उन्मुक्ति एकता : सीके राउत कार्यकारी अध्यक्ष, पहिलो वरीयतामा रेशम चौधरी

स्वास्थ्य बीमा : बोर्डमा जम्मा एक अर्ब, भुक्तानी दायित्व १६ अर्ब ४५ करोड

हामीले राजावादी वितण्डाको विरोध गर्दा सरकारलाई राहत मिले जस्तो भएको छ : प्रचण्ड