काठमाडौं- विश्वव्यापी महामारीको रुपमा रहेको कोराना भाइरस (कोभिड १९) को संक्रमण त्रासका कारण अहिले देशभर वैशाख ३ गतेसम्मका लागि लकडाउन घोषणा गरिएको छ। लकडाउनका कारण विकास निर्माणका आयोजनाको काममा पनि अवरोध सिर्जना भएको छ।
खासगरी वर्षायाम सुरु हुनुअगावै सम्पन्न गरिसक्नुपर्ने पुल निर्माण र नदी नियन्त्रण व्यवस्थापनसम्बन्धी काममा अवरोध हुँदा त्यसले थप समस्या निम्त्याउन सक्ने देखिएको छ।
भौतिक पूर्वाधार तथा यातायात व्यवस्था मन्त्रालयका अनुसार चालु आर्थिक वर्षमा ८ सयको हाराहारीमा पुल निर्माण गर्ने लक्ष्य राखिएको छ। आर्थिक वर्षको पहिलो त्रैमासिक अवधिमा ठेक्का पट्टालगायतका काम हुने र दोश्रो त्रैमासबाट पूर्वाधार निर्माणको काम सुरु हुन्छ। नेपाल निर्माण व्यवसायी महासंघले यो समय आयोजना निर्माणको काममा खटिनुपर्ने समय भएको र निर्माण व्यवासायीहरुको लागि काम गर्ने सिजन भएको हुँदा व्यवसायीहरुले आ-आफ्नो परियोजना स्थलहरुमा आवश्यक पर्ने सबै निर्माण सामग्रीहरु आपूर्ती गरिसकेको जनाएको छ।
अन्य निर्माण कार्यहरु समयअनुसार गर्दा पनि हुने तर नदीमा निर्माण हुने पुल र नदी नियन्त्रणका निर्माण कार्यहरु बर्षा अगावै सकिसक्नुपर्ने हुँदा यी निर्माण कार्यमा तत्काल सुरक्षा अपनाई निरन्तरता दिनुपर्नेमा महासंघले सरकारको ध्यानाकर्षणसमेत गराएको छ।
महासंघका अनुसार अधिकांश निर्माण व्यवसायीहरुले पुल निर्माणका लागि आयोजना स्थलहरुमा आवश्यक निर्माण सामग्रीहरु गिट्टी, बालुवा, सिमेन्ट, रडलगायत ढुवानी गरिसकेका छन्। पुल निर्माणका केही कामहरु वर्षा सुरु हुनुअगाडि नै सम्पन्न गरिसक्नु अति आवश्यक रहेको र वर्षा सुरु भएपछि उक्त कार्यहरु गर्न नसकिनेसमेत महासंघको भनाइ छ।
त्यस्तै नदी नियन्त्रणका काम पनि वर्षात अगावै सम्पन्न गरिसक्नुपर्ने भएका कारण पनि ती परियोजनामा काम गर्ने वातावरण बनाइदिन महासंघले सरकारसँग आग्रह गरेको छ। पुल निर्माणको लागि आवश्यक पर्ने टेण्डम तार तान्ने मेसिनलगायतका उपकरणहरु र निर्माण सामग्री तथा आवश्यक पर्ने खाद्यान्न वस्तुको ढुवानी गर्न, पुलका प्राविधिकहरु र मजुदरहरुको आवतजावतको लागि अनुमति पासको व्यवस्था गरिदिनुपर्ने पनि महासंघको भनाइ छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1743937872.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743930985.png)
-1743318385.png)
-1742289396-1743592964.jpg)
