काठमाडौं- कैलालीको गौरीफन्टा नाकामा खटिएका प्रहरीलाई क्वारेन्टाइनमा राखिएएको छ।
भारतबाट गौरीफन्टा नाका हुँदै नेपाल प्रवेश गरेका कैलाली प्रतापुरका २१ वर्षीय युवामा कोरोना भाइस (कोभिड—१९) पोजेटिभ देखिएपछि त्यसक्षेत्रमा खटिएका प्रहरीलाई क्वारेन्टाइनमा राखिएको हो।
कोरोना भाइरसको संक्रमण देखिएपछि सरकारले चैत ११ गतेदेखि देशभर लकडाउन गरेको थियो। भारतमा कोरोनाको संक्रमण देखिएपछि नेपाल प्रवेश गर्न खोजेका व्यक्तिलाई प्रहरी प्रशासनले लकडाउन गरिसकेको भन्दै नेपाल प्रवेश गर्न रोकेका थिए। त्यसपछि गौरीफन्टा नाकामा प्रहरी भारतबाट नेपाल प्रवेश गर्न खोज्नेबीच धकालाधकाल भएको थियो।
पछि, सरकारले एकपटकका लागि नेपाल प्रवेश गर्न दिने भन्दै नेपाल छिर्न दिएको थियो।
त्यतिबेलै नेपाल प्रवेश गरेका एक युवालाई कोरोना संक्रमण देखिएको हो।
उक्त दिन गौरीफन्टा नाकामा खटिएका प्रहरीलाई सेल्फ क्वारेन्टाइनमा राखिएको कैलालीको एसपी सुदीप गिरीले जानकारी दिए। उनका अनुसार अहिलेसम्म कोरोनाको कुनै लक्षण देखिएको छैन। तर, सर्तकता अपनाउन भन्दै सेल्फ क्वारेन्टाइनमा राखिएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1765273665.jpg)
