काठमाडौं- नेपालको लोकप्रिय इ कमर्स कम्पनी सस्तोडिल डटकमले लकडाउनका बेला पिपिईसहितका कर्मचारीबाट होम डेलिभरी सेवा सुरु गरेको छ।
सस्तोडिलले आइतबार एक विज्ञप्ति जारी गर्दै कोरोना भाइरसको संक्रमण फैलन नदिन लकडाउन भएकाले उपभोक्ताको सुविधाका लागि होम डेलीभरी सेवा थप प्रभावकारी बनाएको जानकारी दिउको हो। यसका साथै संक्रमण फैलन नदिन होम डेलिभरीमा खटिने कर्मचारीले पिपिईसहितका सुरक्षा उपकरण प्रयोग समेत गर्ने जानकारी दिएको हो।
उपभोक्ताले सस्तोडिलको वेबसाइटमा गएर आवश्यक सामग्री अर्डर गरेपछि कम्पनीले काठमाडौं उपत्यका भित्र घरैमा डेलिभरी गर्ने कम्पनीका संस्थापक अमुन थापाले बताए। त्यसका लागि न्यूनतम एक हजार रुपैयाँको खरिद गर्नुपर्नेसमेत उनले बताए।
अनलाइन अर्डर गर्ने उपभोक्ताले अनलाइन बाटै पैसा तिर्न सक्नेछन्। पैसाबाट समेत कोभिड १९ सर्न सक्ने भएकोले नगदभन्दा अनलाइनबाट गरिने भुक्तानीलाई प्रोत्साहन गरिएको उनले बताए। यस्तो भुक्तानी सेलपेबाट भुक्तानी गर्नेले सामान डेलिभरीको समयमा दस थान मास्क निशुल्क प्राप्त गर्नेसमेत उनले बताए। अनलाइन भुक्तानी गर्न असमर्थ ग्राहकको लागि डेलिभरीको बेला नगद तिर्ने सुविधा समेत रहेको छ।
नेपाल सरकारले विद्युतको महशुलमा छुट दिएसँगै र बजारमा ग्यासको सर्वसुलभता नभएको सन्दर्भमा इन्डक्सन चुलो र राइसकुकरको माग बढेको थापा बताउँछन्।
सस्तोडिल डट कम द्वारा ट्राफिक प्रहरीलाई सहयोग
जोखिम समयमा जनताको सेवामा खटिएका ट्राफिक प्रहरीलाई सस्तोडिल डट कमले मास्क र सेनिटाइजर सहयोग गरेको छ। एन ९५ मास्क २०० थान, सर्जिकल मास्क ५०० थान र १०० थान सेनिटाइजर ट्राफिक प्रहरी प्रमुख एसएसपि भिम प्रसाद ढकाललाई हस्तान्तरण गरिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
