काठमाडौं- कोरोना भाइरस रोकथाम तथा नियन्त्रण उच्चस्तरीय समितिको बैठक आइतबार बेलुका ५ बजे बस्ने भएको छ। प्रधानमन्त्री तथा मन्त्रिपरिषदको कार्यालयमा बस्ने बैठकमा लकडाउनले पारेकाे प्रभावबारे समितिका सदस्यहरुले आ-आफ्नो मन्त्रालयकाे विषयमा रिर्पोटिङ राख्ने कार्यसूची छ।
यसअघिका बैठकमा समेत मन्त्रीहरुले आ-आफ्नो मन्त्रालयमा लकडाउनले पारेकाे असरबारे बैठक कुरा राख्दै आएका छन्। सुदूरपश्चिम प्रदेशमा शनिबार मात्र थप ३ जनामा कोरोना भाइरसको संक्रमण पुष्टि भएपछि लडकडाउन लम्ब्याउने प्रस्तावमा छलफल हुनेसमेत उपप्रधान तथा रक्षामन्त्री इश्वर पोखरेलको सचिवालयले जनाएको छ।
काेराेनाकाे संक्रमण फैलिन नदिन सरकारले चैत ११ गतेदेखि लकडाउन गर्दै आएको छ। समय थप गरेर १८ गते एक साता लगाइएको लकडाउन २५ चैतमा सकिँदै छ। अब पुनः एक सातादेखि १० दिनसम्म लकडाउन थप्ने गरी तयारी भइरहेको एक मन्त्रीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
