एजेन्सी–बलिउड अभिनेता शाहरुख खानले कोरोना भाइरस संक्रमितका लागि क्वारेनटाइन बनाउन आफ्नो कार्यालय उपलव्ध गराएका छन्। उनको चार तले यो कार्यालयमा अब बच्चा,महिला र वृद्ध बस्ने स्थान बनाइने छ। मुम्बई महानगपालिका (बीएमसी) ले यो जानकारी दिएको हो। उसले सामाजिक सञ्जाल ट्वीटरमार्फत् यसको जानकारी गराएको छ।
आफ्नो चार तले घरलाई क्वारेन्टाइन बनाउन दिएकोमा महानगरले शाहरुख खान र गौरी खानलाई धन्यवाद दिएको छ । उसले यो सही समयमा गरिएको विवेकपूर्ण निर्णय भएको बताएको छ। महानगरले यसको पुष्टि गरिसक्दा पनि शाहरुख दम्पतिले सामाजिक सञ्जालमा केही पनि प्रतिक्रिया दिएका छैनन्।
शाहरुख खान परिवारको यो निर्णय अहिले सामाजिक सञ्जालमा चर्चामा रहेको छ। ट्वीटरमा शाहरुख खान नामको ह्यासटाग नै चलिरहेको छ। भारतमा हालसम्म ३ हजार ३ सय संक्रमित फेला परेका छन् भने ८० भन्दा धेरैले ज्यान गुमाएका छन्। संक्रमितको संख्या लगातार बढिरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
