नयाँ दिल्ली- विश्वका १८० देशमा फैलिएको कोरोना भाइरसको संक्रमण भारत र पाकिस्तानमा पनि तीव्र रुपमा फैलिरहेको छ। एक जनाबाट सुरु भएको संक्रमण अहिले तीन हजार नजिकको आँकडामा पुगेको छ।
भारतमा ३ हजारमा कोरोना संक्रमण‚ तीन दिनमा दोब्बर भए संक्रमित
जोन हप्किन्सन विश्वविद्यालयका अनुसार भारतमा हालसम्म ३ हजार मानिसमा संक्रमण देखिएको छ। ७२ जनाले कोरोना भाइरसका कारण ज्यान गुमाएका छन्। भारतमा तीन दिनमा कोरोना संक्रमितको संख्या दोब्बर भएको छ।
भारतमा पछिल्लो समय अधिकांश संक्रमित दिल्लीको धार्मिक सभासँग जोडिएका मानिसहरू रहेका छन्। दिल्लीको तवलिगी जमातसँग जोडिएका उनीहरु भारतभर पुगेकाले उनीहरुले संक्रमण फैलाउन सक्ने भन्दै राज्य सरकारले खोजी गरिरहेको छ। २४ घन्टामा देशमा ४ सय ७८ नयाँ मानिसमा कोरोना भाइरस देखिएको छ। यो एकदमै ठूलो संख्या भएको भन्दै भारतीय स्वास्थ्य मन्त्रालयले सचेत हुन आग्रह गरेको छ।
पाकिस्तानमा २७ सय संक्रमित‚ ४० को मृत्यु
पाकिस्तानमा हालसम्म २७ सय मानिसमा कोरोना संक्रमण भएको पुष्टि भएको छ। कोरोना भाइरसका कारण ४० मानिसले ज्यान गुमाएका छन्। सबैभन्दा धेरै संक्रमण पञ्जाव प्रान्तमा फैलिएको छ। पञ्जाव प्रान्तमा १ सय ३९ जनामा कोरोना संक्रमण देखिएको छ। पाकिस्तानका प्रधानमन्त्री इमरान खानले यदि तत्काल कदम नचाले यो संख्या तीव्र गतिमा वृद्धि हुने चेतावनी दिएका छन्।
उनले पचास हजार मानिसमा संक्रमण फैलन सक्ने खतरा रहेको बताएका छन्। पाकिस्तानमा भाइरस रोक्न आंशिक लकडाउन गरिएको छ। अप्रिल १४ सम्म लक डाउन बढाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
