काठमाडौं- काेराेना महामारीको रोकथाम तथा औषधोपचारमा सहयोग पुर्याउन सरकारले स्थापना गरेको कोरोना भाइरस (कोभिड १९) संक्रमण रोकथाम, नियन्त्रण तथा उपचार कोषमा तत्काल १५ लाख रुपैयाँ सहयोग उपलब्ध गराउने नेपाल सुनचाँदी व्यवसायी महासंघले जनाएको छ। साथै महासंघले आगामी दिनमा पनि सरकारसँग हातमा हात मिलाउँदै आफ्नो तर्फबाट सक्दो सहयोग गर्ने प्रतिबद्धता व्यक्त गरेकाे छ।
दैनिक मजदुरी गरेर खाने, अनौपचारिक क्षेत्रमा काम गर्नेहरुका लागि खाद्य सामग्री अभाव हुन नदिन महासंघले केन्द्र सरकार, प्रदेश सरकार र स्थानीय तहसँग समन्वय गरी विभिन्न जिल्ला तथा नगर संघ एवं एशोसिएटस् सदस्यहरुमार्फत् खाद्य सामग्रीहरु वितरण गर्ने कार्यसमेत अगाडि बढाउन लागेको जनाएकाे छ। यो संकटको घडीमा सरकारलाई हरसम्भव सहयोग गर्न प्रतिबवद्ध रहेको महासंघले जनाएको छ।
महामारीको रुपमा फैलिएको कोरोना भाइरसले विश्वका प्रायः सबै देशलाई आक्रान्त बनाई रहेको छ। यस्तो बिषम परिस्थितिमा नेपाल जस्तो सानो अर्थतन्त्र भएको मुलुममा आर्थिक रुपले निकै ठूलो असर परिरहेको भन्दै महासंघले सहयाेगकाे प्रतिबद्धता जनाएकाे हाे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_ouBTo9G2Bt-1788857838.jpg)
-1786602170.png)
-1788425345.png)
