एजेन्सी–भारतको केन्द्रीय वित्त मन्त्रालय र रिजर्भ बैंक अफ इन्डियाले बुधबारबाट सुरु भएको नयाँ आर्थिक वर्षको पहिलो ६ महिनामा ४.८८ लाख करोड भारु बराबर ऋण लिने तय गरेका छन्।
भारत सरकारले यो वर्ष कूल ७.८ लाख करोड भारु ऋण लिने घोषणा यसअघि नै गरिसकेको छ। त्यसको ६२.५६ प्रतिशत रकम पहिलो ६ महिनामा उठाउन लागिएको आर्थिक मामिला सचिव अतनु चक्रवर्तीले बताएका छन्। गत वर्ष सरकारले यो अवधिमा ६२.२५ प्रतिशत ऋण लिएको थियो।
भारत सरकारले गत आर्थिक वर्षको पहिलो ६ महिनामा ४.४२ लाख करोड भारु बराबरको ऋण लिएको थियो। भारतमा अप्रिल १ अर्थात बुधबारबाट नयाँ आर्थिक वर्ष सुरु भएको छ।
सरकारले मंगलबार घोषणा गरेको ‘बरोइङ क्यालेन्डर’ अनुसार प्रत्येक हप्ता करिब १९ खर्ब भारु बरारबको ऋण उठाइनेछ। गत आर्थिक वर्षमा यो रकम १७ खर्ब भारु थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
