काठमाडौं- कोरोना भाइरस (कोभिड-१९)ले परेको प्रभावका विषयमा राहत दिन सरकारले दुई दिनअघि प्याकेजको घोषणा गर्यो। मजदूरदेखि उद्योगीसम्मलाई समेट्ने गरी सरकारले अर्थ मन्त्रालयको प्रस्तावमा यो निर्णय भएको थियो।
मन्त्रिपरिषदले गरेको निर्णय अर्थ मन्त्रालयले सार्वजनिक गरेको छ। मन्त्रालयका अनुसार ९ वटा मुख्य बुँदाभित्र धेरैवटा क्षेत्रलाई समेट्ने गरी राहत प्याकेज तयार भएको छ।
निर्णयको पहिलो बुँदामा असंगठित क्षेत्रका ज्यालादारी मजदूरलाई राखिएको छ। दोस्रो बुँदामा औपचारिक क्षेत्रमा काम गर्ने मजदूरलाई समेटिएको छ।
आवश्यक खाद्यवस्तुको र सेवा प्रवाह, स्वास्थ्य, शिक्षा क्षेत्र र घरबहाल, भन्सार, बैंक, बीमा तथा धितोपत्र, प्रशासनिक तथा नियमनकारी क्षेत्रका छुट, नीतिगत सुधार र स्रोत व्यवस्थापनका विषयमा प्याकेजमा उल्लेख गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
