काठमाडौं- विश्वभर कोरोना संक्रमितको संख्या ८ लाख भन्दा बढी पुगेको छ। नेपाली समय अनुसार सोमबार मंगलबार दिउँसो ४ बजेर ५७ मिनेट जाँदासम्म कुल संक्रमितको संख्या ८ लाख ४९ पुगेको हो। यो जोन होप्किन्स विश्वविद्यालयले संकलन गरेका तथ्यांक हो।
यी मध्ये सबैभन्दा धेरै संक्रमित अमेरिकामा छन्। दोस्रोमा इटली, तेस्रोमा स्पेन, चौथोमा चीन, पाँचौमा जर्मनी रहेको छ।
कोरोना संक्रमणबाट ३८ हजार ७ सय १४ जनाको ज्यान गइसकेको छ। सबैभन्दा धेरै ज्यान गुमाउने इटलीका छन्। दोस्रोमा स्पेन छ।
एक लाख ६६ हजार ७ सय ६८ जनामा उपचार सफल भएको छ। निको हुने धेरैमा चीनका छन्। त्यसपछि स्पेनमा र तेस्रोमा इटलीका नागरिक छन्।
संक्रमितको संख्या सबैभन्दा बढी अमेरिकामा १ लाख ६४ हजार ६ सय १० पुगेको छ। त्यसपछि इटालीमा एक लाख १ हजार ७ सय ३९ पुगेको छ।
अमेरिका र इटालीपछि यी हुन् १० हजार भन्दा बढी संक्रमित रहेका देश
स्पेनमा संक्रमितको संख्या ८७ हजार ९ सय ५६ रहेको छ।
चीनमा ८२ हजार २ सय ४० जना संक्रमित भएका छन्।
जर्मनीमा ६७ हजार ५१ जना संक्रमित भएका छन्।
फ्रान्समा ४५ हजार १ सय ७० जना संक्रमित भइसकेका छन्।
इरानमा अहिलेसम्म ४१ हजार ४ सय ९५ जना संक्रमित भइसकेका छन्।
युकेमा २२ हजार ४ सय ६५ जना संक्रमित भइसकेका छन्।
स्विटजरल्याण्डमा १५ हजार ९ सय २२ जना संक्रमित भइसकेका छन्।
बेल्जियममा ११ हजार ८ सय ९९ जना संक्रमित भइसकेका छन्।
नेदरल्याण्डमा ११ हजार ८ सय १७ जना संक्रमित भइसकेका छन्।
टर्कीमा १० हजार ८ सय २७ जना संक्रमित भइसकेका छन्।
नेपालमा हालसम्म ५ जनामा कोरोना संक्रमणको पुष्टि भइसकेको छ। यीमध्ये १ जना निको भइसकेका छन् भने बाँकी ४ जना आइसोलेसनमा उपचाररत छन्।
मंगलबार नेपालमा कुनै पनि नयाँ संक्रमित नभटिएको र देशभर ७७ जना कोरोनाको आशंकामा आइसोलेसनमा रहेको स्वास्थ्य तथा जनसंख्या मन्त्रालयका प्रवक्ता विकास देवकोटाले जानकारी दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766980460.png)
-1764146706.png)
-1766928868.png)
-1766648928.png)
