काठमाडाैं- सर्वोच्च अदालतले कोरोना भाइरसको संक्रमित बिरामीको उपचार नगर्न निजी अस्पताल बन्द गर्ने अधिकार नभएको आदेश जारी गरेको छ। सर्वोच्चले निजी स्वास्थ्य संस्थालाई कुनै पनि बहानामा कोरोना संक्रमित बिरामीलाई उपचारबाट वञ्चित गर्ने अधिकार नभएको भन्दै तत्काल खोलेर सञ्चालन गर्न भनेको छ।
सर्वोच्चले बिरामी फर्काउने र सेवा छैन जस्ता बहाना प्रयोग नर्गन पनि निजी अस्पताललाई भनेको छ। न्यायाधीश मनोजकुमार शर्माको इजलाशले निजी अस्पतालमा भएको वेड आइसियू, भेन्टिलेटरलगायत कोरोना भाइरसको उपचार गर्ने आवश्यक व्यवस्था मिलाउन भनेको छ।
सर्वाेच्चले अहिलेको परिस्थितिमा अध्यादेशमार्फत् नीतिगत एवं कानुनी व्यवस्था मिलाउन गरिएको मागमा सरकारलाई छलफलमा बोलाउने आदेश गरेको छ। सर्वोच्चले २३ गते सरकारलाई पनि छलफलमा बोलाएको छ। सर्वोच्चले कोरोनासम्बन्धी सबै रिटलाई एकै ठाउमा राखेर सुनुवाई गर्ने निर्णय पनि गरेको छ।
अधिवक्ता पुष्पराज पौडलले निजी अस्पतालमा पनि कोरोनाको उपचार हुनुपर्ने, हाल कायम रहेको अवस्था समेट्न अलग्गै विशेष विधेयक ल्याउनु पर्ने माग गर्दै सर्वोच्चमा सार्वजनिक सरोकारको रिट दायर गरेका थिए। उक्त रिटमा सुनुवाई गर्दै सर्वोच्चले सरकारलाई लिखित जवाफसहित छलफलमा आउन भनेको हाे।
हालसम्म सर्वोच्चमा कोरोनासम्बन्धी तीन थान रिट दर्ता भएका छन्। यसअघि नेपाली नागरिकलाई प्रवेश दिनुपर्ने र खाद्य अधिकार सुरक्षा माग गर्दै रिट दर्ता भएका थिए। उक्त रिटमा सुनुवाई गर्दै सर्वोच्चले सरकारलाई ध्यानाकर्षण गराई सकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764688011.png)
-1764687154.png)
-1764683616.png)
-1764146706.png)
-1763721444.png)
