काठमाडौं– कोरोना भाइरस (कोभिड-१९) को कारण यसै वर्ष जापानमा आयोजना हुने ओलम्पिक खेलकुद एक वर्ष पर सकेको छ।
विश्वब्यापी रुपमा फैलिएको कोरोना भाइरस कारण टोकियो ओलम्पिक अब नयाँ तालिका अनुसार सन् २०२१ को जुलाई २३ देखि अगष्ट ८ तारिखसम्म आयोजना हुने भएको हो। टोकियो ओलम्पिक यहि वर्षको जुलाई २४ देखि अगष्ट ९ तारिखसम्म आयोजना हुने मिति थियो।
सोमबार अन्तर्राष्ट्रिय ओलम्पिक कमिटीको बोर्ड बैठकले एक वर्ष सार्दै नयाँ मिति घोषणा गरेको हो।
अन्तर्राष्ट्रिय ओलम्पिक कमिटीले पारा ओलम्पिक खेलकुदको पनि मिति एक वर्ष नै सारेको छ। पूर्वनिर्धारित मिति अनुसार पारा ओलम्पिक खेलकुद सन् २०२० को अगष्ट २४ देखि सुरु हुने थियो। तर नयाँ मिति अनुसार अब पारा ओलम्पिक खेलकुद प्रतियोगिता २०२१ को अगष्ट २४ देखि सेप्टेम्बर ५ तारिखसम्म आयोजना हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
