काठमाडौं–संयुक्त अरब इमिरेट्स (युएई) ले रोजगारदाताले आवश्यक परे आप्रवासी श्रमिक कटौती गर्न पाउने नीति ल्याएको छ।
कोभिड १९ (कोरोना भाइरस) संक्रमणको चपेटामा परेको अर्थतन्त्रलाई मध्यनजर गर्दै युएई सरकारले यस्तो नीति ल्याएको हो। यसअनुसार रोजगारदाताले आफ्नो उद्योग वा कम्पनीमा कार्यरत आप्रवासी श्रमिकहरुलाई पारिश्रमिक दिन समस्या परे श्रमिक कटौती गर्न सक्ने भएका छन् । युएईस्थित मानव संसाधन मन्त्रालयकाअनुसार कतिपयलाई बेतलबी बिदासमेत दिन सक्ने निर्णय भएको छ।
युएई सरकारको यस्तो निर्णयबाट लाखौँको संख्यामा आप्रवासीहरु प्रभावित बन्ने भएका छन्। यो निर्णयले युएईमा हजारौँ नेपाली श्रमिकहरुको रोजिरोटि गुम्नसक्ने देखिएको छ। हाल युएईमा करिब ३ लाख नेपालीहरु कार्यरत रहेको अनुमान छ ।
नेपाली कामदारहरुको आकर्षक गन्तव्य मुलुकका रुपमा रहँदै आएको युएईमा कोरोना संक्रमण पनि बढ्दै गएको छ। सोमबार बिहान ८ बजेसम्म युएईमा कोरोना संक्रमितको संख्या ६ सय ११ पुगेको छ। कोरोनाका कारण मृत्यू हुनेको संख्या ५ पुगेको छ भने ६१ जना उपचारपछि निको भएका छन् ।
युएईमा कार्यरत ४ नेपालीमा कोरोना संक्रमण भएकोमा २ नेपाली निको भएका छन्। दुई उपचाररत छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
