प्रधानमन्त्री रोजगार कार्यक्रममा सहभागीहरूको फाइल तस्बिर।
काठमाडौं- श्रम स्वीकृति लिएर पनि कोभिड-१९ (कोरोना भाइरस)का कारण वैदेशिक रोजगारीमा जान नपाएकालाई सरकारले प्रधानमन्त्री रोजगार कार्यक्रममार्फत् देशभित्रै परिचालन गर्ने निर्णय गरेको छ। त्यस्तै वैदेशिक रोजगारीबाट फर्किएको अवस्थामा पुनः श्रम स्वीकृति लिएर विदेश जान नपाएको अवस्थाका श्रमिकहरुलाई पनि सरकारले प्रधानमन्त्री रोजगार कार्यक्रममा सामेल गराउने निर्णय गरेको हो।
आइतबार बसेको मन्त्री परिषद्को बैठकमा बोल्दै सरकारका प्रवक्ता एवं अर्थ तथा सञ्चार मन्त्री युवराज खतिवडाले यस्तो बताएका हुन्।
उनीहरु स्थानीय तहमार्फत् दर्ता भई प्रधानमन्त्री रोजगार कार्यक्रममा सामेल हुन पाउँछन्।
भिसा लागिसकेका तर वैदेशिक रोजगारीमा जान नपाएका करिब ३५ हजारभन्दा बढी युवाहरु रहेको म्यानपावर व्यवसायीहरुले बताएका छन्।
नयाँ तथा पुनः श्रम स्वीकृति लिइसकेका वा बिदामा फर्किएको अवस्थामा पुन श्रम स्वीकृति लिन नपाएका गरेर ५० हजारभन्दा बढी युवाहरु कोरोना संक्रमणका कारण वैदेशिक रोजगारीमा जान पाएका छैनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781580295.jpg)
-1764146706.png)
-1786184812.png)
