काठमाडौं- सरकारले मासिक १ सय ५० युनिटसम्म विद्युत खपत गर्ने ग्राहकका लागि २५ प्रतिशत विद्युत महशुल छुट दिने निर्णय गरेको छ। आइतबार बसेको मन्त्रिपरिषद बैठकले यस्तो निर्णय गरेको हो।
यस्तै मागभन्दा बढी उत्पादन भएको विद्युत नेपाल विद्युत प्राधिकरणले तोकिएको अवधि र समयमा विद्युत खपत गर्ने उत्पादनमुलक प्रतिष्ठानहरुलाई उद्योगको प्रकृति हेरी ३० देखि ५० प्रतिशतसम्म छुट दिने निर्णय पनि सरकारले गरेको छ।
पिक आवरबाहेक रातीको समयमा उद्योगधन्दाहरु चलाउँदा यस्तो छुट पाउनेछन्। हालसम्मको तिर्नुपर्ने विद्युत महशुल वैशाख मसान्तसम्ममा तिर्दा बिलम्ब शुल्क नलाग्ने निर्णय पनि सरकारले गरेको छ।
यसअघि गत शुक्रबार बसेको नेपाल विद्युत प्राधिकरण संचालक समिति बैठकले सबै घरेलु विद्युत प्रयोगकर्तालाई चैत महिनाको महशुलमा २० प्रतिशत छुट दिने निर्णय गरेको थियो।
सरकारको यो निर्णय पछि ३८ लाख घरेलु ग्राहकलाई प्रत्यक्ष फाइदा पुग्नेछ। यसअघि नै सरकारले बजारमा खाना पकाउने ग्यासको अभाव देखिन थालेपछि इन्डक्सन चुल्होको प्रयोगलाई प्रोत्साहन गर्न इन्डक्सन आयातमा लाग्ने भन्सार महशुल र विद्युतीय चुल्हो प्रयोगमा खपत हुने विद्युत महशुल छुट दिने निर्णय गरिसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_c6lM0N9Yaf-1778498841.jpg)
-1778498478.png)
-1764146706.png)
