काठमाडौं- सरकारले लकडाउन अवधिभर मदिरा आयातमा प्रतिबन्ध लगाउने निर्णय गरेको छ। आइतबार बसेको मन्त्रिपरिषद् बैठकले मदिदा आयातमा प्रतिबन्ध लगाउने निर्णय गरेको।
'बन्दाबन्दी अवधिभर मदिरा आयातमा प्रतिबन्ध लगाउने निर्णय गरिएको छ,' मन्त्रिपरिषद् बैठकपछि आयोजित पत्रकार सम्मेलनमा सरकारका प्रवक्तासमेत रहेका सञ्चार तथा सूचना प्रविधिमन्त्री र अर्थमन्त्री डा युवराज खतिवडाले भने, 'योसँगै, सुपारी, मरिच लगायतका समान आयातका पनि प्रतिबन्ध लगाउने निर्णय भएको छ।'
यसैगरी सरकारले एक महिनासम्म घरभाडामा छुट दिनसमेत घरधनीहरूलाई आग्रह गरेको छ। यसरी दिइएको छुट घरबहाल करबाट कटौती गर्ने निर्णय समेत भएको मन्त्रिपरिषद् बैठकपछि पत्रकार सम्मेलनमा डा खतिवडाले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
