काठमाडौं- सरकारले खाद्य व्यवस्था तथा व्यापारी कम्पनी लिमिटेड र साल्ट ट्रेडिङ कर्पोरेसनले बेच्दै आएका खाद्य सामाग्रीमा १० प्रतिशत छुट दिने निर्णय गरेको छ।
अर्थमन्त्री एवं संचार तथा सूचना प्रविधि मन्त्री डा युवराज खतिवडाले आइतबार बसेको मन्त्रिपरिषदको निर्णय सुनाउँदै चामल, पिठो, दाल, चिनी, खाने तेल, नुनलगायतका खाद्य वस्तुहरु हाल कायम रहेको मूल्यमा १० प्रतिशत छुट दिई बिक्री वितरण गरिने बताएका हुन।
खाद्य व्यवस्था तथा व्यापार कम्पनी र साल्ट ट्रेडिङ कर्पोरेसनले उपत्यकाका विभिन्न ६ स्थानमा रहेका बिक्रीकक्षबाट खाद्यान्न सामाग्री उपलब्ध गराउँदै आएका छन्। लकडाउनपछि खाद्य व्यवस्थाले २ दर्जन र साल्ट ट्रेडिङले ४ वटा मोबाइल भ्यानमार्फत ग्राहकको घर घरमै पुगेर पनि दैनिक उपभोग्य वस्तु बिक्री वितरण गरिरहेका छन्।
दूरसंचार कम्पनी लिमिटेडले लकडाउनको समयमा इन्टरनेटको प्रयोगमा २५ प्रतिशत छुट दिनेलगायतका निर्णय मन्त्रिपरिषदले गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1755350560.jpg)
-1764146706.png)
