काठमाडाैं- नेपाली कांग्रेसका पुराना नेता सूर्यप्रसाद रेग्मीको निधन भएको छ। रक्तचापका बिरामी रेग्मीको स्याङ्जास्थित प्राथमिक अस्पतालमा उपचारका क्रममा आइतबार निधन भएको हो।
वालिङ–२ राक्सेबारी निवासमा लडेर घाइते भएका ७९ वर्षीय रेग्मीकाे उपचारको क्रममा निधन भएको हो। विपी कोइरालासँगै राजनीति गरेका रेग्मी सादगी नेताका रुपमा परिचित थिए। उनले जेल जीवनसमेत भोगका थिए।
उनी २०५१ मा कांग्रेसबाट वागी उम्मेदवार बनेका थिए। गत माघ ९ मा भएको राष्ट्रियसभाको निर्वाचनमा गण्डकी प्रदेशबाट कांग्रेसले उनलाई उम्मेदवार बनाएको थियो। गत महिना पार्टी सभापति शेरबहादुर देउवाले जेष्ठ राजनीतिज्ञ सभामा रेग्मीलाई मनोनित गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
