काठमाडौं–नेपाली कांग्रेसका वरिष्ठ नेता रामचन्द्र पौडेलले तीन दिनअघि दिएको अभिव्यक्तिले थप तरंग फैलिएको छ।
कोरोना भाइरसले निम्त्याएको महासंकटलाई पार लगाउन सहमतिको सरकार निर्माण हुनुपर्ने उनको जोड थियो। सरकार र मुख्यतः स्वास्थ्यमन्त्री भानुभक्त ढकालको कार्यशैली र क्षमतामाथि प्रश्न उठेपछि उक्त प्रसंग वरिष्ठ नेता पौडेलसँग जोडिएको छ।
नेता पौडेलले फेसबुकमार्फत् दिएको अभिव्यक्तिलाई अर्को दिन पार्टी प्रवक्ता विश्वप्रकाश शर्माले नेता पौडेलको निजी विचार भएको प्रष्टाएका थिए। शर्माले सरकारबाहिरै रहेर महासंकटका बेला सहयोग गर्न सकिने बताएका थिए। वर्तमान समय सरकार परिवर्तन गर्न भन्दा पनि सरकारका काम कामकारबाहीप्रति झकझकाउने समय भएको उनले उल्लेख गरे।
‘सरकारलाई आग्रह गर्न चाहन्छु, यस्तो बेलामा आम सहमति जुटाएर नागरिकका समस्या समाधान गरिनुपर्छ । यस्तो बेलामा आम सहमति आवश्यक हुन्छ ।’ नेता पौडेलले तीन दिन अघि भनेका थिए,‘जसका कारणले सरकारका निर्णय कार्यान्वयनमा समस्या नहोस्। यस्तो बेलामा आवश्यक प¥यो भने सहमतिको सरकार पनि बनाउन सक्नुपर्छ । दुनियामा यस्तो प्रचलन पनि छ।’
सत्तारुढ दलका केन्द्रीय सदस्य तथा विदेश विभाग उपप्रमुख विष्णु रिजालले सरकारको कार्यशैलीमा उठेको प्रश्नलाई नेता पौडेलको अभिव्यक्तिसँग जोडिदिए। मेडिकल सरकारको प्रभावकारिता,सामग्री खरिद प्रक्रिया लगायतका विषयमा उठेको प्रश्नलाई उनले नेता पौडेलको अभिव्यक्ति हुँदै सिर्जित आलोचना भएको टिवटमा लेखे।
संकटको बेलामा स्थिति भड्काउन विपक्षी कांग्रेसले सामाजिक सञ्जाल र सञ्चारमाध्यमको समेत दुरुपयोग गरेको रिजालले आरोप लगाए। नेता रिजाल लेख्छन्,‘संकटको घडीमा विपक्षी दलका विभिन्न आवरणमा रहेका मान्छेले सामाजिक सन्जालदेखि सञ्चारमाध्यम प्रयोग गरेर स्थिति भड्काउन कोसिस गर्नु अनि वरिष्ठ नेताले ‘सर्वदलीय सरकार चाहियो’ भन्नुले निशाना कता छ भन्ने प्रष्ट पार्छ ।’
स्वास्थ्य र पर्यटन मन्त्रालयका नाममा उठेका प्रश्न विभिन्न आवरणमा रहेका मान्छेले रचेका कथा भएको उनको आरोप छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790071578.png)
-1786602170.png)
-1789631269.jpg)
