काठमाडौं- नेपाल कम्युनिस्ट पार्टी (नेकपा)का अध्यक्ष पुष्पकमल दाहाल 'प्रचण्ड'ले कोरोना भाइरसबाट नेपालमा संकट चुलिँदै गएकाले गरिब र असाहयकाे सहयोगका निम्ती मुठी फुकाउन निजी क्षेत्रका व्यवसायीहरुलाई अपिल गरेका छन्। शनिबार आफ्नै निवास खुमलटारबाट अपिल जारी गर्दै उनले निजी क्षेत्रलाई गरिब र असाहयको सहयोगमा जुट्न अपिल गरेका हुन्।
कोरोना भाइरसको संकक्रमणबाट दैनिक ज्यालादारी गरेर जीवीकोपार्जन गर्ने निम्नवर्गीय श्रमजिवीको खाद्यन्न व्यवस्थापनमा आवश्यक राहत विशेष प्याकेज निर्माण गर्न प्रचण्डले सरकारलाई आग्रह गरे। ‘चीन, कोरिया, इटाली, अमेरिकाजस्ता मुलुकबाट पाठ सिकेर उच्च सतर्कता अपनाउन आमजनतालाई आग्रह गर्दछु,’ प्रचण्डले भने, ‘कोडिन १९ को विरुद्धको लडाईंमा सबैभन्दा अग्रमोर्चामा रहेर क्रियाशील रहने स्वास्थ्यकर्मी, सुरक्षा निकाय, कर्मचारी र आमसञ्चार माध्यमको उच्च प्रशंका गर्दछु।’
आमसञ्चार माध्यमले यथोचित संमयमिता र आधिकारिक सूचना दिन ध्यान दिनेमा आफू विश्वस्वत रहेको उनले बताए। संघीय सरकार, प्रदेश सरकार, स्थानीय सरकार र नेकपाका सबै तहका नेता कार्यकर्ता सदस्यलाई संक्रमणविरुद्धको लडाईंमा सावधानीपूर्वक स्वयंसेवीको रुपमा नेतृत्व गर्न प्रचण्डले आग्रह गरे।
अपिलको पूर्ण पाठ
मानव जातिलाई नै चुनौति दिएको नोभल कोरोना भाइरस अर्थात कोभिड १९ का कारण संसारभरका ६ लाखभन्दा धेरै संक्रमित भएका छन् भने २७ हजारभन्दा धेरैको मृत्यु हुन पुगेको छ। विश्वमा महामारीको रुपमा फैलिएको यस संक्रामक भाइरसका कारण निधन भएका नागरिकहरुप्रति हार्दिक श्रदाञ्जली तिनका शोकाकुल परिवारप्रति गहिरो समवेदना प्रकट गर्न चाहन्छु।
विश्वभरका साथै नेपालका संक्रमित छिटै निको हुने आशासहित शिघ्र स्वास्थ्यलाभको कामना गर्दछु। विश्वव्यापी बनेको कोभिडन १९ नामक घातक भाइरसको सामना गर्न सिंगो विश्व नै संघर्षरत छ। विश्व समुदायसँगै नेपाल सरकार आमजनताले पनि आवश्यक सजकता र सावधानी अपनाएकोमा धन्यवादसहित संक्रमण फैलिन नदिन सावधानी अपनाउन हार्दिक अपिल गर्दछु।
विश्व स्वास्थ्य संगठनले समेत नेपाललाई उच्च जोखिमा रहेको देशको रुपमा सचेत गराई रहेको सन्दर्भमा म नेपाल सरकार, प्रदेश र स्थानीय तहका सरकार र नेकपाका सबै तहका नेता कार्यकर्ता र सदस्यलाई स्वायंसेवीकाे रुपमा संक्रमणविरुद्धको लडाईंमा सावधानीपूर्वक नेतृत्व गर्न आग्रह गर्दछु। सचेत नागरिक र आमसञ्चार मध्यमको जिम्मेवारपूर्ण र आधिकारिक सूचना शिक्षाले नै जोखिममा पर्नबाट जोगिन्छ भन्ने तथ्यलाई गहिरोगरी आत्साथ गर्न विशेष अनुरोध गर्दछु।
कोभिड १९ को संक्रमणविरुद्ध विजय प्राप्त गर्न नेपाल सरकार र विश्वस्वास्थ्य संगठनले जारी गरेको आधिकारिक निर्देशन तथा आचार संहिता पालना गर्दै हरेक नागरिक र परिवारले घरमै बसेर आफू र आफ्नो परिवारको अमूल्य जीवनको रक्षा गर्न त्यसमार्फत् देश दुनियाँको रक्षामा योग्दान गर्न सबैसँग अपिल गर्दछु।
कोरोना भाइरसविरुद्धको लडाईंकाे अग्रमोर्चामा रहेर जोखिम उठाउने चिकित्सक, स्वास्थ्यकर्मी र सुरक्षा निकायको मनोवल उच्च राख्न आवश्यक उत्प्रेरणा सुरक्षा र सातै प्रदेशमा उपकरणहरुको व्यवस्थामा राज्यका तर्फबाट थप जोड दिन आवश्यक छ। साथै दैनिक ज्यालादारी गरेर जीविकोपार्नज गर्ने निम्नवर्गीय श्रमजीवी जनताको खाद्यन्नको व्यवस्थापनमा आवश्यक राहत र विशेष सहयोगको प्याकेज निर्माणमा सरकारको ध्यान जाने नै छ।
संकटको यो अवस्थामा गरीब असायहको सहयोगमा मुठी फुकाउन निजी क्षेत्रका व्यवसायीहरुसँग पनि अपिल गर्दछु। व्यक्तिगत रुपमा साबुन पानीले हात धुने वा स्यानिटाइजरको प्रयोग गर्ने हात नमिलाउने खोक्दा ह्याछिउ गर्दा रुमालको प्रयोग गर्ने आवश्यकता अनुसार मास्कको प्रयोग गर्ने सरकारले घोषणा गरेको लकडाउनलाई पालना गर्दै घरबाट ननिस्कन अनुशासनमा रहन आमजनमुदायमा अनुरोध गर्दछु।
चिकित्सकहरुका अनुसार चर्को ज्वरो खोकी, थकान श्वास प्रश्वासमा अप्ठ्यारो भए कोभिड १९ को परीक्षण गर्नु पर्छ। आजसम्म चार जना नेपालीमा देखिएको तर उहाँहरुको स्वास्थ्यस्थिति सामान्य रहेकाले अत्तिनुपर्ने अवस्था छैन। तर, चीन,कोरिया, इटाली अमेरिका जस्ता मुलुकबाट पाठ सिकेर उच्च सतर्कता अपनाउन ध्यान दिनै पर्छ।
अन्तमा कोभिड १९ को विरुद्धको लडाईंमा सबैभन्दा अग्रमोर्चामा रहेर क्रियाशील रहनु भएका स्वास्थ्यकर्मी, सुरक्षा निकाय, कर्मचारी र आमसञ्चार माध्यमको उच्च प्रशंका गर्दछु। आमसञ्चार माध्यमले यथोचित संमयमिता र आधिकारिक सूचना र शिक्षा जनतामा पुर्याउने कामलाई पक्कै पनि सबैभन्दा बढी ध्यान दिनुहुने छ भन्ने विश्वास छ। विश्वलाई नै चूनौति दिएको महामारीबाट हामी छिटै नै मुक्त हुने छौं। मानवजातिको एकता राष्ट्रकाे एकता उच्च मनोवलले हामी विजयी हुने छौं।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
