काठमाडौं–काठमाडौ–४ का सांसद गगन थापाले आफ्नो निर्वाचन क्षेत्रका मतदातालाई सजग हुन तर भयभित नहुन आग्रह गरेका छन्।
कांग्रेस सांसद थापाले भिडियो सन्देशमार्फत् मतदातालाई लकडाउनका समयमा कुनै समस्या परे सम्पर्क गर्नसमेत अनुरोध गरेका छन्। महासंकटको सामना गर्नका लागि फागुन १८ गते संसदमा सार्वजनिक महत्वको प्रस्ताव दर्ता गराएको उनले स्मरण गरेका छन्। क्षति कम होस् भनेर नै पटक पटक सरकारलाई विभिन्न माध्यमबाट ध्यानाकर्षण गराइरहेको उनले बताए।
‘जहाँ कमिकमजोरी देखेको छु ,त्यहाँ प्रश्न उठाइरहेको छु। जहाँ दबाब दिनुपर्ने हो,दबाब दिएको छु, ‘पूर्व स्वास्थ्यमन्त्रीसमेत रहेका थापाले भने,‘जहाँ झकझकाउनुपर्ने हो,त्यहाँ झकझकाईरहेको छु।’कमिकमजोरी सरकारको देखिए प्रश्न गर्ने र सरकारलाई संकटको बेला साथ पनि दिने बचन दिए।
लकडाउनको कारणले भेटघाट हुन नसके पनि जिम्मेवारी पुरा गरिरहेको उनले बताए। आफ्नो क्षेत्रका बासिन्दालाई आग्रह गर्दै उनले भने,‘परिवारका सदस्य बाहिरबाट आएको भए,कम्तिमा २ साता छुट्टै राख्न स्थानीय सरकारलाई जानकारी गराइदिनु होला।’ कोभिड १९ को लक्षण देखिएजस्तै लागे पनि स्वास्थ्यकर्मीसँग परामर्श गर्न अनुरोध गरेका छन्।
दैनिक उपभोग्य वस्तुको अभाव भएमा स्थानीय जनप्रतिनिधिलाई सम्पर्क गर्न थापाले आग्रह गरेका छन्। स्वास्थ्य समस्या तथा दैनिक उपभोग्य वस्तुको आपूर्तिमा समस्या पैदा भए समाधानका लागि आफूलाई समेत फोन सम्पर्क गर्न उनले मतदातालाई आग्रह गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1746068245.webp)
-1786602170.png)
-1786513116.png)
