अब नेपाल-भारत सम्बन्धमा 'तस्बिर आफैं बोल्छ' : प्रधानमन्त्री ओली

राजनीति

नेपाल लाइभ आइतबार, चैत २५, २०७४ १५:१७

काठमाडौं– प्रधानमन्त्री केपी शर्मा ओली भारतको तीन दिने राजकीय भ्रमण पूरा गरी स्वेदश फर्किएका छन्।

साँझ साढे ७ बजे त्रिभुवन विमानस्थलमा अवतरण गरेका प्रधानमन्त्री ओलीले 'अब नेपाल-भारत सम्बन्ध कस्तो छ?' भन्ने पत्रकारको प्रश्नमा 'तस्बिर आफैं बोलेको छ' भन्ने प्रतिक्रिया दिएका थिए।

'तस्बिर आफैं बोलेको छ', प्रधानमन्त्री ओलीले भने, 'मैले केही भन्नुपर्ला जस्तो लाग्दैन।'

प्रधानमन्त्री ओलीले लिखित रुपमा नआएका विषयलाई गम्भीर भएर समाधान गर्ने बताए। 'जुन कुरा लिखित रुपमा आएको छ। हामीले त्यसलाई त्यसैगरी अगाडि बढाएका छौं', उनले भने, 'जुन कुरा लिखित रुपमा आउन बाँकी छ। त्यसलाई उछाल्ने होइन, समाधान गर्ने दिशामा हामी गम्भीर भएर लागेका छौं।'

प्रधानमन्त्रीले भारतमा रहँदा त्यहाँ राष्ट्रपति, उपराष्ट्रपति, प्रधानमन्त्री, नेता, वौद्धिक जगत, कूटनीतिक नियोगका व्यक्तिहरु, सञ्चार जगत, निजी क्षेत्र सबैसँग भेटघाट र छलफल भएको जानकारी दिँदै आफूले २१औं शताब्दीमा आफ्ना छिमेकी तथा बाँकी संसारसँग कसरी सम्बन्ध राख्न चाहेको हो भन्ने स्पष्ट पारेको बताए।

प्रधानमन्त्री ओलीले पञ्चेश्वर परियोजनाका सम्बन्धमा, टनकपुरमा बाटो नहर नबन्दा परेको असरबारे ध्यान आकर्षित गरेको र आफू दिल्लीमा हुँदै भारतीय प्रधानमन्त्री नरेन्द्र मोदीले छिट्टै कार्य अगाडि बढाउन तल्ला तहमा निर्देशन दिएको जानकारी पाएको बताए।

प्रधानमन्त्रीले भारतमा सीमा समस्या, बाढी, डुबान, मानव बेचबिखन जस्ता समस्यालाई गम्भीरताका साथ उठाएको पनि बताए। प्रधानमन्त्री ओलीले नेपालको कृषिमा आधुनिकीकरणका लागि भारतसँग महत्त्वपूर्ण सहमतिहरु भएको पनि जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

संविधान संशोधनका लागि कार्यदल बनाएर काम सुरु भइसक्यो : उपप्रधानमन्त्री सिंह

प्रतितोला एकसयले घट्यो सुनको मूल्य

चाडपर्वले राष्ट्रिय एकतालाई थप मजबुत बनाउन सहयोग पुग्छ : राष्ट्रपति पौडेल