काठमाडौं- इंग्लिस फुटबल क्लब ब्राइटनका खेलाडीमा कोरोना भाइरस (कोभिड १९) संक्रमण देखिएको छ। नाम गोप्य राखिएको ती खेलाडीको स्वास्थ्य अवस्था सामान्य हुँदै गएको ब्राइटनका प्रमुख कार्यकारी पोउल बार्बरले बताएका छन्।
कोरोना भाइरस (कोभिड १९) का केही लक्षणहरु देखिएपछि जगिएको जाँचमा उनमा संक्रमण देखिएको हो। अहिले बाँकी खेलाडीहरु क्वारेन्टाइनमा छन्।
‘उनले आवश्यक पर्ने सबै उपचार पाइरहेका छन्। बाँकी खेलाडीहरुको पनि जाँच गर्ने काम भइरहेको छ’ प्रमुख कार्यकारी पोउलले बिबिसीसँग भनेका छन्।
प्रिमियर लिगमा १५औँ स्थानमा रहेको ब्राइटनले यसअघि नै खेलाडीहरुलाई घरमा नै बस्न र आवश्यक अभ्यासमा ध्यान दिन भनेको थियो। अहिले एक खेलाडीमा संक्रमण देखिएपछि थप तयारीहरु अपनाउन थालेको छ।
संक्रमणसम्बन्धी जानकारी क्लबले एक भिडियो लाइभमार्फत पत्रकार सम्मेलन गरेर दिएको थियो।
कोरोना भाइरसको संक्रमण बढ्दै जाँदा अहिले विश्व खेलकुद गतिविधि ठप्प छ। प्रिमियर लिगसँगै च्याम्पियन्स लिग र युरोपा लिग जस्ता युरोपियन प्रतिस्पर्धाहरु कहिले हुन्छन् भन्ने यकिन छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
