काठमाडौं– कतार एयरवेजले शनिबार पनि काठमाडौंबाट युरोपियन देशका नागरिक लैजान भएको छ। विमानले शुक्रबार जस्तै १० बजेको हाराहारीमा काठमाडौं आएर यात्रु लिएर जाने छ।
त्यसका लागि कतार एयवेजले परराष्ट्र मन्त्रालय मार्फत उडान अनुमति पाइसकेको नेपाल नागरिक उड्डयन प्राधिकरणले स्रोतले बतायो।
शुक्रबार पनि कतार एयरवेजले ३ सय युुरोपियन नागरिक लैजादैँ छ। कतारको दोहाबाट आएको कतार एयरवेजको वाइडबडी ए ३३० जहाज मार्फत जर्मन लगायत युरोपियन देशको नागरिक लैजान खोजेको हो।
अहिले विमानमा यात्रु राख्ने काम भइरहेको छ। दोहाबाट काठमाडौं आएको विमान सिधै फ्रान्सको पेरिस जानेछ। यसबाहेक पनि अमेरिका, जापान र अष्ट्रेलियाले पनि आफ्ना नागरिक लैजानका लागि अनुमति माग गरिरहेका नेपाल नागरिक उड्डयन प्राधिकरण महानिर्देशक राजन पोखरेलले जानकारी दिए। यसका लागि परराष्ट्र मन्त्रालयमार्फत अनुमति लिने पर्ने हुन्छ।
कोरोना जोखिम न्यूनीकरण उच्चस्तरीय समितिको मंगलबार बसको बैठकले पनि देशका विभिन्न भूभागमा रहेको विदेशी नागरिकलाई उद्धार गरी उनीहरुकै देश पठाउने निर्णय गरेको थियो।
अहिले नेपालमा एक हजार भन्दा बढी पर्यटक अलपत्रमा परेको अनुमान गरिएको छ।
बिहीबार र बुधबार गरी दुई दिनमा मात्रै हवाई उडान र बस मार्फत देशका विभिन्न स्थानमा रहेका झन्डै २ सय विदेशी नागरिकलाई उद्धार गरेर काठमाडौं ल्याइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
