काठमाडौं- नेपाल विद्युत प्राधिकरणले कोरोना भाइरसका कारण उत्पन्न परिस्थितिका कारण समयमै बिल भुक्तानी र मिटर रिडिङ हुन नसक्ने जनाएको छ। बिहीबार सूचना प्रकाशित गर्दै प्राधिकरणले काबु बाहिरको परिस्थित उत्पन्न भएकाले यतिबेला भएको ढिलाइको कुनै जरिवाना नलाग्ने पनि स्पष्ट पारेको छ।
कोरोना भाइरसका कारण सरकारले लकडाउन घोषणा गरेपछि प्राधिकरणले जरिवाना नलिने निर्णय गरेको हो। यसका साथै उसले समयमा नै मिटर रिडिङ नभएका कारण विद्युत महसुल भुक्तानी हुन नसके सो जरिवाना मिनाहा गर्ने भएको हो।
'कोरोना भाइरसको महामरी रोगका कारण विद्युत खरिद बिक्री सम्झौतामा उल्लेखित काबु बाहिरको परिस्थिति उत्पन्न भएको हुँदा सञ्चालनमा रहेका निजी क्षेत्रका विद्यतु आयोजनाको मिटर रिडिङ, मासिक बिल भुक्तानी तथा सोसम्बन्धी अन्य कार्यकहरु समयमा गर्न नसकेमा काबु बाहिरको परिस्थितिका कारण दायित्व पुरा गर्न नसकिएको मानिने र क्षतिपूर्ति वा हर्जना बुझाउनु नपर्ने व्यवस्था आकर्षित हुने व्यहोरा नेपाल विद्युत प्राधिकरणसँग विद्युत खरिद बिक्री सम्झौता गरेका सम्पूर्ण सम्बन्धित प्रबर्द्धक कम्पनीहरुलाई अनुरोध गरिन्छ,' विद्युत व्यापार विभागले सूचना जारी गर्दै भनेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
